İshki ister mınıstrliginiń málimetine qaraǵanda búgingi tańda Qazaqstanda 356 myń avtokólik Aı-80 benzınin quıady eken. Sonyń ishinde olardyń 138-i múgedekterdiń, 128 myńy motokólikterdiń úlesine tıedi.

AI-80 benzıni AI-92 benzınine qaraǵanda eki ese arzan, sapasy da tómendeý.  Eýrazıalyq ekonomıkalyq odaqtyń (EAEO) Keden odaǵynyń reglamenti ekologıalyq turǵydan taza benzınge kóshýge baılanysty 2018 jyldyń 1 qańtarynan bastap K2 jáne K3 ekologıalyq klasyna jatatyn benzınderdi Qazaqstan aýmaǵynda satylmaıtyn qyldy. Alaıda bul Aı-80 (ol K4 jáne K5 jatady) benzınin óndirýge nemese syrttan satyp alýǵa tyıym salynady degen sóz emes. Biraq atalmysh reglamentti syltaýratqan barlyq JJS qojaıyndary arzandaý AI-80 qaraǵanda kóbirek tabys ákeletin qymbat benzınderdi satý paıdaly bolǵandyqtan AI-80 benzınin barlyq JJS-ten joǵaltyp úlgergen.             

Sonda joǵaryda atalǵan kólikter nemen júrýge tıisti? Amaly joq olar motorlaryn basqa benzınge beıimdeýge májbúr. Al bul arzan emes, qyp-qyzyl shyǵyn. Onyń ústine keıir kólikterdiń agregattary beıimdeýge jaramaıdy.

Osy muqtajdaryn aıtyp Májilistegi «Halyqtyq komýnıser» fraksıasynyń depýtattaryna shaǵymdanǵan halyqty jýyrda Aıqyn Qońyrov bastaǵan depýtattar qoldap, úkimetke AI-80 benzınin óndirý men satýdy jappaı qysqartýdy keıinge qaldyrý týraly ótinish jasady. Biraq ony úkimettiń qoldar-qoldamasy belgisiz.

S.Eleý, sarapshy