Sáýirdiń 21-25 aralyǵynda "Dostyq" sport kesheninde basketboldan Ulttyq stýdentter lıgasynyń pleı-off kezeńi ótedi, dep habarlaıdy aqparattyq jáne sporttyq HAB.
21-24 sáýir aralyǵynda basketbolshylar toptyq kezeńde jartylaı fınaldarda kezdesedi. Uldar “Narhoz” ýnıversıtetinde, al qyzdar ál–Farabı atandaǵy QazUÝ hımıa fakúltetiniń zalynda ózara myqtyny anyqtaıdy. Al grand fınaldar men qola úshin oıyndar eki sanat boıynsha 25 sáýirge josparlanǵan.
Erler sanaty: turaqty chempıonattyń nátıjelerine sáıkes úzdik 16 komanda 4 topqa bólinip, jartylaı fınalǵa joldamany sarapqa salady. Ár toptan jartylaı fınalǵa tek bir komanda ótedi.
Negizgi sharttardyń biri, bir dıvızıondaǵy komandalar bir topta bástese almaıdy, «Almaty» dıvızıonynan basqa. Sebebi, fınalda olardan 5 komanda qatysady. Jartylaı fınaldardyń jeńimpazdary aqtyq márede kezdesedi, al jeńilgender qola úshin jarys jolyna shyǵady.
Áıelder sanaty: maýsym nátıjeleri boıynsha 8 úzdik komanda 2 topqa bólinedi, al 1 jáne 2 oryndardyń ıegerleri jartylaı fınalǵa shyǵady. Onyń chempıondary sáıkesinshe altyn medaldardy, al qalǵandary 3 oryndy sarapqa salady.
Uıymdastyrýshylardyń habarlaýynsha, fınalda basketbol jankúıerlerin tosyn syı, qurmetti qonaq kútedi.
Týrnırdiń sheshýshi kezeńiniń úzdik oıynshylary ISBC Halyqaralyq Kýbogyna qatysady. QR Ulttyq basketbol Federasıasy stýdenttik qaýymdastyǵynan Qazaqstan qurama komandasynyń halyqaralyq stýdenttik Kýbogyna shaqyrýyn qabyl aldy. Basketbol dodasy mamyrdyń 17-i men 24-i kúnderi Reseı astanasy Máskeý qalasynda ótedi.
