Almatyda, «Sporttyq Almaty» baǵdarlamasy aıasynda velosherýdiń toǵyzynshy maýsymy bastaldy. Sporttyq sharaǵa 2 myńnan astam adam qatysty.
Qala qonaqtary men túrǵyndary «Nurly Taý» bıznes ortalyǵynan bastalyp Tuńǵysh Prezıdent saıabaǵyna deıin jalǵasqan 9 shaqyrymdyq qashyqtyqty baǵyndyrdy. Áýesqoılarmen birge bul velosherýge Almaty qalasynyń ákimi Baýyrjan Baıbek, Dene shynyqtyrý jáne sport basqarmasynyń basshysy Ábil Dóńbaev qatysty.
«Osyndaı is-sharalar qala turǵyndaryna ýaqytyn tıimdi ári kóńildi ótkizýge jaqsy múmkindik. Osy ýaqytqa deıin biz qoǵamdyq kólikterde, kóshelerde, saıabaqtarda, kez kelgen jastaǵy adamdar tanysyp, demalyp, jumys jasaıtyndaı jaǵdaı jasaý jolynda jumys atqaryp kelemiz», – deıdi óz sózinde Almaty qalasynyń ákimi.
Sonymen qatar, Baýyrjan Baıbek qazirgi tanda qalada salaýatty ómir salty men sportqa jaqsy kóńil bólinip jatqanyn atap ótti. Almatyda búgingi tanda 68 shaqyrymdyq velodálizi salyndy. Sonymen qatar, qala basshysy velosıpedterdi jalǵa beretin «Almaty bike» jobasy qarqymdy damyp, qalanyń ortalyq kóshelerinde 1730 velosıpedke arnalǵan 200 velosıped turaqtary jumys istep turǵanyn tilge tıek etti. Onyn aıtýynsha jylda ótetin «Almaty Týry» velojarysy qalanyń tanymal brendine aınalyp, Almatynyń týrısik jáne sporttyq qala ımıji retinde shetelge tanymaldyǵyn arttyýrýda.
Búgingi ótken velosherýdiń máresinde qatysýshylardyń arasynda 20 velosıped, sonymen qatar ózgede baǵaly syılyqtar oınatyldy. Barlyq kelýshilerdiń aldynda óz ónerlerimen Shamsi», Alime toptary shyǵyp, is-shara «Almaty Street Fitness» baǵdarlamasymen jalǵasyn tapty.
Aıta ketý kerek, 2017-shi jyly «Sporttyq Almaty» baǵdarlamasy boıynsha qalada 21 velosherý uıymdastyrylyp, 21 myń adam qatysqan bolatyn.
