Ótken jyly Tabıǵı monopolıa sýbektileriniń qyzmetterine 18 tekseris júrgizildi.
Mundaı tyń aqparatty Almaty qalasy Óńirlik komýnıkasıalar qyzmetiniń alańynda ótken brıfıńte Qazaqstan Respýblıkasy Ulttyq ekonomıka mınıstrligi Tabıǵı monopolıalardy retteý, básekelestikti jáne tutynýshylardyń quqyqtaryn qorǵaý komıtetiniń Almaty qalasy boıynsha departamentiniń basshysy Bolat Sámbetov aıtty.
Bolat Qýanyshbekulynyń aıtýy boıynsha, 2017 jyldyń qorytyndysy boıynsha tabıǵı monopolıa sýbektileriniń qyzmetterine 18 tekseris júrgizildi, onyń ishinde: 13 jobadan tys, 5 jobaly tekserister. Buzýshylyqtar anyqtaldy: 10, buzýshylyqtar anyqtalmady: 8.
QR tabıǵı monopolıalar zańnamasyn buzýshylyqty toqtatý jóninde 15 uıǵarym shyǵaryldy, onyń ishinde: 13 óz erkimen oryndalyp, 2 boıynsha sotqa aryz berildi. Atalǵan uıǵarymdar sot sheshimimen óz kúshinde qaldy.
Jalpy somasy 178 mln.teńge kóleminde 36 ákimshilik quqyq buzýshylyq týraly hattama toltyrylyp, onyń ishinde 116 mln.teńge óndirip alyndy, 62 mln.teńge kúshtep óndirip alýǵa joldandy,-deıdi ol.
Sonymen, 2017 jylda Departament tarapynan básekelestikti shekteýdi boldyrmaý maqsatynda 14 tergeýler júrgizildi.
Onyń ishinde:
4-ýi – ústem jaǵdaıdy teris paıdalaný bóliginde
4-ýi - básekelestikke qarsy kelisimder bóliginde
2-ýi - básekelestikke qarsy áreketter bóliginde
4 – ýi - josyqsyz básekelestik bóliginde.
Qorytyndysy boıynsha 19 ákimshilik is qozǵaldy.
31 sotta isti qaraýǵa qatysty.
366,6 mln. tenge somasynda aıyppul salyndy.
2016 jyly Qazaqstan Respýblıkasynyń Kásipkerlik Kodeksine naryq sýbektilireniń is-áreketinde (áreketsizdiginde) monopolıaǵa qarsy zań buzýshylyq belgileriniń bolýy týraly habarlama ınstıtýty engizildi.
2017 jylda Departament tarapynan boıynsha 23 habarlama engizildi, básekelestikti qorǵaý salysy boıynsha buzýshylyqtardy joıý 11 eskertýler engizildi, - deıdi departament basshysy Bolat Qýanyshbekuly.
2019 jyly Almaty qalasynda 2 478 dana ortaq esepteý aspaby ornatylmaq.
Departament basshysy Bolat Qýanyshbekulynyń aıtýynsha, zańnamaǵa sáıkes, tarıfterdiń aıqyndyǵy jáne aldyn ala boljamdylyǵy úshin monopolıs óz qyzmetterin 5 jáne odan joǵary jyldar merzimine bekitilgen tarıfterdiń shekti deńgeıleri boıynsha kórsetýi mindetti.
Osyǵan baılanysty, ýákiletti organmen «Almaty jylý júıesi» JSHS qyzmetterine qoldanystaǵy tarıften 10,4% ósýimen 2017 jyldyń 1 sáýirinen bastap qoldanysqa enýimen 2017-2021 jyldarǵa arnalǵan tarıfterdiń shekti deńgeıleri bekitildi. Kelesi kezeńderdegi tarıfter 2018 jáne 2021 jyldar aralyǵynda jyl saıyn ózgeredi.
Kásiporynnyń arnaıy tehnıkalardy jańartýy arqasynda avarıalardy toqtatý 17%-ǵa azaıdy, bir kúnde 600 adamǵa deıin qyzmet kórsete alatyn qazirgi zamannyń «Tutynýshylarǵa qyzmet kórsetý ortalyǵy» ashyldy, normatıvtik tehnıkalyq ysyraptar 16,4%-dan 15,6%-ǵa deıin qysqardy.
Óndirýshi jáne jabdyqtaýshy uıymdardyń tarıfteriniń aıyrmashylyǵyn jabý maqsatynda 1,3 mlrd.teńge kóleminde qarajat izdestirildi, jergilikti búdjetten 1,9 mlrd.teńge bólindi.
Almaty qalasyna arnalǵan gazdyń baǵasynyń eń joǵary ekenine qaramastan, Qazaqstan boıynsha biz 12 oryndamyz,-dep aıtyp ótti ol óz sózinde.
Qoldanystaǵy zańnamaǵa sáıkes, 2012 jyldan bastap jylý energıasynyń tarıfteri ortaq esepteý aspabynyń bolýy jáne bolmaýyna baılanysty dıfferensırlengen. Osyǵan baılanysty, esepteý aspaptary joqtarǵa esepteý aspaptary ornatylǵandarǵa qaraǵanda 36%-ǵa joǵary tarıf qoldanylady.
Almaty qalasynda 4262 úıde jalpy sany 5282 jylý energıasyn esepteý aspaptary ornatylǵan. Ol qajetti esepteý aspaptarynyń 69,6% quraıdy.
Sonymen qatar, aspaptary joqtarǵa 1 m2 úshin aqy mólsheri syrtqy aýanyń temperatýrasyna baılanysty, jáne de basqa aılarǵa qaraǵanda qańtar aıynda eń joǵary.
Atap aıtqanda, buryn «AlJJ» JSHS OEA ornatqanda tólem boıynsha 1 jylǵa deıin bólip tóleýdi qarastyrǵan bolsa, «Turǵyn úı-kommýnaldyq sharýashylyǵyn jańǵyrtý men damytýdyń Qazaqstandyq ortalyǵy» AQ shart jasalǵannan keıin merzimi 4 jylǵa deınigi bólip tóleý iske asyrylady.
2019 jyldyń sońyna deıin 2 478 dana mólsherinde jalpy baǵasy 2 mlrd.teńgeni quraıtyn OEA ornatylmaq.
Jáne de, 2017-2018 jyldardyń jylytý kezeńi úshin halyqqa qaıta esepteý 2018 jyldyń maýsym aıynda júrgiziledi, - dep baıandady departament basshysy Bolat Sámbetov.
