2017 jyly Almaty qalasynda kóterme gazdyń baǵasy 12% ósken.
Bul týraly Almaty qalasynyń Óńirlik komýnıkasıalar qyzmetiniń alańynda Qazaqstan Respýblıkasy Ulttyq ekonomıka mınıstrligi Tabıǵı monopolıalardy retteý, básekelestikti jáne tutynýshylardyń quqyqtaryn qorǵaý komıtetiniń Almaty qalasy boıynsha departamentiniń basshysy Bolat Sámbetov aıtty.
Bolat Qýanyshbekulynyń aqparatynsha, departamentpen «QazTransGaz Aımaq» Almaty óndiristik fılıalynyń 2017-2021 jyldarǵa arnalǵan gazdy taratýshy júıeler arqyly tasymaldaý qyzmetine 6009,56 tg/1000m3 kóleminde biryńǵaı tarıfi 207 jyldyń 1 qańtarynan bastap qoldanysqa enýimen bekitildi.
2017 jylda gazǵa tarıf 16,8%-ǵa ózgerdi. Atalǵan baǵanyń ósýi Batys óńirinen tasymaldanatyn kóterme gazdyń baǵasynyń ósýine jáne ınvestısıalyq baǵdarlamanyń ósýine baılanysty. Investısıalyq baǵdarlamany júzege asyrý qoldanystaǵy júıelerdi modernızasıalaýǵa, jáne de qalany 100% gazdandyrýǵa múmkindik beredi. Ol óz kezeginde qalanyń ekologıalyq jaǵdaıyn jáne turǵyndardyń ómiriniń sapasyn jaqsartýǵa jol ashady,-dep aıtyp ótti ol.
Sonymen birge, 2017 jyldyń 1 maýsymynan Almaty qalasynda Departamentpen rettelmeıtin kóterme gazdyń baǵasy qoldanystaǵy baǵadan 12%-ǵa óskenin atap ótken jón. Qazaqstan boıynsha magıstraldyq qubyrdyń sońynda ornalasqan Almaty qalasyna arnalǵan kóterme gazdyń baǵasy eń joǵary ekeni barlyǵyna málim. Sáıkesinshe, kóterme gazdy magıstraldyq qubyrjoldary arqyly tasymaldaý shyǵyndarynyń úlken bóligi Bizdiń qalamyzǵa jatady. SHQO kóterme gazdyń baǵasy 7 536 tg quraıdy, al Qostanaı oblysynda 17 938 tg., nemese Jambyl oblysynda 21 197 tg qurasa, Almatyda 23 522 tg. quraıdy, al Bizben salystyrǵanda Batys aımaqtarynda baǵalar 3-5 ese tómen ekenin aıtpaǵanda. 4 jyldyń ishinde gazǵa tarıftiń ózgerýi kóterme gazdyń baǵasynyń ósýine ǵana baılanysty, - dep sózin qorytyndylady Bolat Sámbetov.
