Seýl ákimshiliginiń arnaıy ókili KHDR men Ońtústik Koreıa prezıdentteriniń kezdesýi barysynda ne jaıly áńgimeleskenin aıtty. Eki el prezıdenti shekara pýnktinde kezdesken bolatyn. Bul jaıynda Rıa Novostı habarlaıdy.

Derekkózdiń málimetinshe, Koreı túbeginiń ıadrolyq qarýsyzdanýy, ońtústik pen soltústik arasyndaǵy qarym-qatynasty damytý baǵyttary týraly «shynaıy dıalog» bolǵan.

Birneshe saǵat buryn KHDR prezıdenti men Ońtústik Koreıa prezıdenti demarkasıalyq jerde kezdesti. Kım Chen Yn shekarany bólip turǵan syzyqtan ótip, ońtústik aımaqqa attap basqan alǵashqy KHDR prezıdenti boldy.

Dıalogtyń birinshi kezeńi aıaqtalǵannan keıin Kım Chen Yn qarsylastyqty toqtatýǵa, al Mýn Chje In  eki el  arasyndaǵy temir jol qatynasyn ornatýǵa shaqyrdy.

Kúnniń ekinshi jartysynda taraptar Soltústik pen Ońtústiktiń arasyndaǵy qarym-qatynastardy jaqsartý, sonymen qatar birigý perspektıvalaryn talqylaýdy josparlap otyr.

Ótken aptada Kım Chen Yn KHDR ıadrolyq jáne zymyrandyq synaqtardy 21 sáýirden bastap toqtatty dep málimdedi.

Sonymen qatar Phenán ıadrolyq qarýdy qoldanýdan bas tartyp, ıadrolyq tehnologıalardy basqa memleketterge bermeýge ýáde etti.

Ońtústik Koreıa men Soltústik Koreıa arasyndaǵy qarym-qatynastyń jaqsarýy Ońtústik Koreıanyń Phenchhandaǵy Olımpıadaǵa daıyndyǵy barysynda boldy. Soltústik Koreıa sportshylarynyń Olımpıada oıyndaryna qatysýy, sondaı-aq Ońtústik Koreıaǵa Kım Chen Ynnyń ápkesi men Ońtústik Koreıa prezıdentiniń arnaıy ókilderiniń KHDR-ǵa sapary áser etti.