Almatyda DAISH ıdeıasyn nasıhattaǵan áıel jeti jylǵa bas bostandyǵynan aıyryldy. Bul týraly qalalyq sottyń baspasóz qyzmeti habarlady.
Almaty qalasy Almaly aýdandyq sotynda S. esimdi azamatshaǵa qatysty QR Qylmystyq kodeksiniń 256-baby 2-bóligi «Terorızmdi nasıhattaý nemese terorızm aktisin jasaýǵa shaqyrý» boıynsha qylmystyq is qaraldy.
«2012 jyly ınternet-resýrstary arqyly DAISH halyqaralyq terorıstik uıymynyń áreketterimen tanysqan sottalýshy S. jurtty jıhadqa shaqyryp, jarylys jasaýdy úgittegen», - delingen sot habarlamasynda.
Sot otyrysy barysynda áıel ózine taǵylǵan barlyq aıyppen kelisti. Aıypty dep tanylǵan S.-ny sot jeti jylǵa bas bostandyǵynan aıyrý týraly sheshim qabyldady. Úkim zańdy kúshine engen joq.
