2018 jyldyń 22-24 mamyr kúnderi Almaty qalasyndaǵy The Ritz Carlton otelinde on besinshi Eýrazıalyq Medıa Forým ótedi. Forým jyl saıyn 60-tan astam elden 500-den asa delegattar jınaıdy.
Ortalyq Azıadaǵy táýelsiz dıalog alańy retindegi Eýrazıa Medıa Forýmynyń basty mısıasy - sarapshylar, saıasatkerler, ekonomıser, qoǵamdyq pikir ıeleriniń qatysýymen Qazaqstannyń, Eýrazıanyń, tipti búkil álemdik qaýymdastyqtyń ekonomıkalyq, geosaıası, áleýmettik mádenı máselelerin talqylaý.
Forým óz tarıhynda 6000 asa sheteldik qatysýshylardy, olardyń qatarynda tanymal jýrnalıser, belgili saıasatkerler, myqty ekonomıser, nobel syılyǵynyń laýreattary, qoǵam qaıratkerleri, ǵalymdar men kásipkerlerdi Qazaqstanǵa jınady.
EMF spıkerleri qatarynda: Islam respýblıkasynyń eks-prezıdenti Iran Mohammad Hatamı, Aýǵanstannyń 12-shi prezıdenti Hamıd Karzaı, amerıkandyq dıplomattar Rıchard Holbrýk pen Rıchard Perl, AQSH-tyń burynǵy kongresmeni Harold Ford, Ulybrıtanıanyń Syrtqy ister eks-mınıstri Djek Stro, Gresıanyń Týrızm eks-mınıstri jáne Parlament múshesi Olga Kefaloıannı, brıtandyq fýtýrolog Reı Hammond, Vladımır Pozner, Maksım Shevchenko, Mıhaıl Leontev, Pıter Lavel, Pola Slıer, Stıven Koýl, Nık Goýıng syndy tanymal jýrnalıser, ITAR-TASS aqparattyq agenttiginiń jetekshileri Vıtalıı Ignatenko men Mıhaıl Gýsman, jazýshy Shyńǵys Aıtmatov, RF Úkimetiniń burynǵy basshysy Evgenıı Prımakov, ODKB bas hatshysy Nıkolaı Bordúja, AQSH-tyń ulttyq qaýipsizdik boıynsha burynǵy keńesshisi Zbıgnev Bjezınskıı jáne t.b. boldy.
Eýrazıa Medıa Forýmy 3 kún ótedi. Jıynda 7 plenarlyq sesıa bolady. Álemdik sarapshylar sheberlik dárisine bir kúndi arnaıdy.
Forým qonaqtaryn jańa pikirtalas alańy, qyzyqty taqyryptar, mazmundy áńgime, spıkerlerdiń tanymal shoǵyry kútedi. Bul jolǵy Forým «Evolúsıanyń 15 jyly: álem ózgerisi men bizdi ózgertýi».
Bul rette, forým uıymdastyrýshylary Qazaqstannyń álem aldyndaǵy bedeliniń kún sanap artyp kele jatqandyǵyn, forýmnyń munda tıimdi ári zamanaýı qural retinde rólin atap ótpekshi. Forým óziniń belsendi jumysynyń arqasynda búginde dúnıe júzi boıynsha bedeldi medıa alań atanǵan. Onyń dáleli retinde 1500 aıtýly BAQ: Euronews, CNN, BBC, Associated Press Television News, Reuters, Bloomberg, New York Times, Al Jazeera English, ITAR-TASS, RIA «Novostı», RBK, Russia Today, Pervyı kanal, IA «Djıhan» jáne t.b. qatysqandyǵy bola alady.
Bıylǵy forým taqyryptary: «Halyqaralyq qarym-qatynastaǵy evolúsıa», «Eýropalyq odaq evolúsıasy», «Qorshaǵan orta evolúsıasy», «Aqparattyq tehnologıalar: naqty derek pen feık jańalyqtar», «Blogsferanyń kúsheıýi: progres pe, álde qaýip pe?» jáne taǵy basqa.
Al, naqty bıylǵy forýmnyń qatysýshylary qatarynda – memlekettik qaıratker, eks-premer-mınıstr, Italıa parlamentiniń senatory Matteo Rensı, BAQ bostandyǵy boıynsha EQYU (OBSE) ókili Arlem Dezır, amerıkalyq polıttehnolog, Barak Obama prezıdenttigi kampanıasynyń ekeýinde de keńesshi bolǵan Rodjer Fısk, Ulybrıtanıa Syrtqy ister mınıstrliginiń baspasóz hatshysy Saımon MakDjı, Grýzıanyń eks Bilim mınıstri Hatıa Dekanoıdze, VVS telearnasynyń jańalyqtar bóliminiń redaktory Gevın Húıtt, halyqaralyq saıasat boıynsha fransýz sarapshysy, Le Figaro gazetiniń sholýshysy Reno Jırar, Japonıanyń turaqty energetıkany damytý ınstıtýtynyń dırektory Tesýnarı Iıda, reseı jýrnalısi, prodúser, ári telejúrgizýshi Sofıko Shevardnadze, senator, AQSH-tyń Qytaı Halyq Respýblıkasyndaǵy elshisi Maks Baýkas, BUU halyqaralyq «BUU – áıelder» bóliminiń Ortalyq Azıa boıynsha basshysy Ileın Konkıevıch.
Sonymen qatar, mereıtoılyq forýmnyń baǵdarlamasynda birneshe avtorlyq master-klasstar uıymdastyrylyp otyr. Onda Shýbert Medıa konsýltanty Taıra Shýbert, tanymal jýrnalıs Shahıda Iakýb, Hashtag Our Stories jobasynyń negizin qalaýshylardyń biri Iýsýf Omar, saıasatker Bartosh Rydlınskıı, CEO Select Communication Group basshysy Vıktor Elıseevter bar.
«Eýrazıalyq medıa forýmnyń bıylǵy kontenti dástúrli túrde zamanaýı ózekti birqatar máselelerdi talqylaıtyn bolady. Olardyń qatarynda, aqparattyq tehnologıalardyń qarqyndy ósýi, turaqty damýdyń birden-bir sharty retinde «jasyl ekonomıka» tujyrymdamasy, taǵy basqa kóptegen máseleler kóteriledi. Bul rette, mereıtoılyq forýmnyń halyqaralyq arenada elimizdiń bedelin arttyrýǵa qosqan úlesiniń orasan ekendigin kórsete alatyndyǵymyzǵa senimim mol», dep atap ótti Eýrazıalyq Medıa Forým bas dırektory Rýslan Jemkov.
İs-sharanyń bas seriktesi «Samuryq-Qazyna» ulttyq ál-aýqat qory» Aksıonerlik Qoǵamy.
XV Eýrazıalyq Medıa Forýmǵa tirkelý búginnen bastap 16-mamyrǵa deıin jalǵasady. Tirkeý úshin http://eamedia.org/ru/ siltemesine ótýge bolady. Oryn sanaýly.
Forýmǵa mindetti túrde tirkelý kerek.
