1 mamyrdan bastap «Aqparattandyrý týraly zańnyń» 36 baby talabyna saı Qamshy.kz aqparat agenttigi oqyrmandary saıtta SMS verıfıkasıadan ótken soń ǵana pikir jaza alady. Atalǵan zańda 2017 jyldyń 28 jeltoqsanynda bekitilgen túzetýler boıynsha jelilik basylymdar úshin mindetteme qosylǵan. Bundaı qadam aqparattyq qaýipsizdiktiń saqtalýy men arandatýdyń aldyna alý maqsatynda jasalyp otyr.
Materıalǵa pikir bildirgisi kelgen belsendi oqyrman saıttaǵy kez-kelgen materıaldyń sońyndaǵy saıtqa tirkelý batyrmasy arqyly tirkele alady. Ol úshin ózin uıaly telefonyna baratyn SMS kod arqyly naqtylaýy jetkilikti. Tirkelýshi aty-jónin, qupıa sózin engizip tirkelgennen keıin tirkelgisine sýret qoıa alady. Ári osyǵan deıin ózi jazǵan pikirler tizbegin de kórýine múmkindik bar.
Saıtqa tirkelýshi tirkelý arqyly saıt erejelerimen túgeldeı kelisedi ári zań talabyn saqtaýǵa mindetteledi.
«Aqparattandyrý týraly zańǵa saı» jelilik basylym jáne uıaly baılanys operatory saıt oqyrmandarynyń(abonentterdiń) jeke málimeti taralmaýyna kepildik beredi.
