Italıada 20-dan astam iri ıtalıandyq kompanıalar jáne memlekettik organdar basshylarymen kezdesý barysynda «Kazakh Invest» ókilderi Qazaqstannyń ınvestısályq múmkinshilikterimen tanystyrdy. Italıandyq kompanıalar APK, energetıka jáne qatty turmystyq qaldyqtardy qaıta óńdeý salasyndaǵy birlesken jobalardy júzege asyrýǵa qyzyǵýshylyqtaryn bildirdi.
Kezdesý kezinde «Bonifiche Ferraresi» kompanıasymen Qostanaı oblysynda makaron ónimderin shyǵaratyn zaýyttyń qurylysyn salý máselesi talqylandy. Atalmysh ónim ıtalıandyq tehnologıalar negizinde jergilikti shıkizattan óndiriledi jáne negizinen eksportqa beıimdeletin bolady dep josparlanyp otyr.
APK-da yntymaqtasa jumys isteý máseleleri sondaı-aq, Italıanyń taǵam jabdyqtaryn óndirý Qaýymdastyǵynyń prezıdenti Marıo Gelatımen jáne Aımaqtyń Komersıalyq palatasynyń ókili Toskan Nadı Krıvellımen kezdesý barysynda da qarastyryldy.
Budan ózge, Mılannyń Kásipkerler palatasy jemis-kókónisti ónimderdi óndirýge arnalǵan jylyjaılardyń qurylysyn salý jónindegi jobalardy júzege asyrýǵa qyzyǵýshylyq tanytty.
Lombardıa Aımaǵynyń (Mılan) Aýyl sharýashylyǵy Mınıstrliginiń basshylyǵymen kezdesý kezinde «Kazakh Invest» tarapynan Qazaqstannyń ınvestısıalyq múmkindikteri tanystyryldy jáne sút pen jemis-kókónisti ónimderdi óńdeý jónindegi jobalardy qarastyrý týraly kelisimderge qol jetkizildi.
«Kazakh Invest» delegasıasy sondaı-aq Lıgýrıa Aımaǵyndaǵy bý-gazdy týrbınalar óndirý zaýytyna jáne Lombardıa Aımaǵyndaǵy turmystyq qaldyqtardy qaıta óńdeý zaýytyna bardy. Osy kompanıalarmen kezdesýler barysynda jańa energıa-túrlendirgish qýattylyqtardy jáne Qazaqstanda qoqys óńdeýdi jetildirý jáne qurý jónindegi birqatar jobalar talqylandy.
Mılanda ıtalıandyq «ENI» kompanıasymen kezdesý ótkizildi, onyń barysynda Aqtóbe oblysynda qýattylyǵy 50 MV jel elektr stansıasynyń qurylysyn salý jobasyn júzege asyrý talqylandy.
«Kazakh Invest» tarapynan ıtalıandyq kompanıalardyń, Italıanyń SACE Memlekettik eksporttyq-kredıttik agenttiginiń jáne CDP Italıandyq memlekettik qaryz berýshiniń qatysýymen jobalardy qarjylandyrý sharttary qosymsha pysyqtalatyndyǵyn atap ótken jón.
