Qytaıdyń Chjenchjoý qalasynyń turǵyny bálish satyp alý kezinde elektrondy Alipay tólemderin paıdalanǵan. Kóshedegi dúkenderdiń birinen býǵa pisirilgen eki  «baoszy» atalatyn bálishti 147 myń ıýánge (23 myń dollarǵa) satyp alǵan. Qatelikten be álde júıeniń buzylýynan ba eki bálishke 23 myń dollar tólep, onysyn baıqamaı da ketken. Bul týraly RIA Novostı jazady.

Negizinde  et pen kókónisten turatyn bálishtiń baǵasy 1,5-5 ıýán arasynda qubylady. Qytaılyq óz shotynan bul somanyń qalaısha alynǵanyn ózi de bilmegen.

Bul jaǵdaıdy dúken satýshysy aılyq esepshot júrgizip jatqanda shotta artyq 147 myń ıýán baryn ańǵarǵan. Bir klıenttiń shatasyp artyq tólep qoıǵanyn boljaǵan ol, basshylyqqa jaǵdaıdy jetkizgen. Dúken ıeleri satýshyny bul ádildigi úshin syıaqymen marapattaǵan.

Nátıjesinde, basshylyq polısıamen baılanysyp, BAQ arqyly bálishti satyp alǵan klıentti tapqan. Oǵan Alipay kompanıasy qyzmetkerlerinen qatelik ketkenin habarlap, aqshasy qaıtarylatynyn málimdegen. Klıent bastapqyda bul jaǵdaıǵa senbeı áldebir prank eken dep qalǵan.

Ótken aptada jergilikti polısıa bólimshesinde qytaılyq turǵynǵa aqshasyn aman esen qaıtaryp bergen.