Ońtústik Qazaqstan oblysynda órt sóndirý jáne avarıalyq-qutqarý jumystary qyzmetiniń qurylymdyq bólinisteriniń arasynda  órt sóndirý-qutqarý sporty boıynsha ashyq chempıonaty bastaldy. Qyzmettik mindetin atqarý kezinde qaza bolǵan sóndirýshiler Baqyt Alpysbaev, Nurǵalı Qarabaev, Juldyzbek Esenalıevterdi eske alýǵa arnalǵan saıystyń saltanatty ashylýy №1 mamandandyrylǵan jasaqtyń sport alańynda ótti.

Óńirdiń  Tótenshe jaǵdaılar depratamentiniń bastyǵy Nurbolat Derbisov jarysty ashyq dep jarıalap, qatysýshylarǵa jeńis  tiledi.  

Jalpy 23 komanda qatysqan saıysta qyzmetkerler órt sóndirý-qutqarý sportynyń 4 túri boıynsha eń úzdik ataǵyna synǵa túspek.   Olar aldymen sport alańynda úsh ıindi satymen oqý-jattyǵý munarasynyń 3-4-shi qabattaryna kóterilý saıysy  boıynsha óz baqtaryn synady. Bul kúni órt sóndirýshiler  oqý-jattyǵý munarasynyń 4-shi qabatyna ıindi saty arqyly kóterilý boıynsha kúshtilerdi de anyqtady. Jarystyń birinshi kúngi qorytyndysy boıynsha  úsh ıindi satymen oqý-jattyǵý munarasynyń 3 qabatyna kóterilý saıysy  boıynsha jalpy komandalyq esepte  №1 mamandandyrylǵan jasaq, «Órt sóndirýshi» AQ jáne №4 órt sóndirý bóliminiń komandalary júldeli oryndarǵa ıe boldy.   Endi jarystyń jalǵasy «Qajymuqan» jáne «Dınamo» stadıondarynda ótetin bolady. Onda sóndirýshiler «100 metrlik kedergisi bar jolaqtan júgirý» jáne «jaýyngerlik qanat jaıý» boıynsha   jarysady dep kútilýde.