Shymkentte 4 kún boıy «Tirkeý» jedel aldyn alý is-sharasy júrgizilip, 15 myńnan asa kópqabatty turǵyn úı men jekelegen baspanalar tekserildi. Nátıjesinde 959 zańbuzýshylyq jaıty anyqtalǵan.
Qalalyq ákimdiktiń baspasóz qyzmetiniń málimetinshe, shara barysynda 1399 ákimshilik quqyqbuzýshylyq deregi tirkelgen. Onyń ishinde eń kóbi Ál-Farabı aýdanynda tirkelip otyr. Atalǵan aýdanda - 471, Abaı aýdanynda - 351, Qarataýda - 277, Eńbekshi aýdanynda 30 ákimshilik quqyqbuzýshylyq jaıttary anyqtalǵan. Tekserý kezinde mekenjaıy boıynsha tirkeýsiz turǵany úshin 959 azamat ákimshilik jaýapkershilikke tartylyp otyr. Taǵy 644 azamat ishki ister organdaryna esepke alynyp, qabyldaý-taratý oryndaryna qujatsyz júrgeni úshin 29 tulǵa jetkizildi.
Ákimdik ókilderiniń sózinshe, aǵymdaǵy jyldyń 10 mamyrynan bastap is-sharanyń ekinshi kezeńi bastalady. Jeke kýáliksiz nemese jaramsyz jeke kýálikpen, turǵylyqty jeri boıynsha tirkeýsiz turǵandarǵa 7 aılyq eseptik kórsetkish mólsherinde aıyppul salynady.
