Mańǵystaýlyq polıseıler 83 keli marıhýanamen Saıyn Shapaǵatov aýylynyń turǵynyn qolǵa túsirdi, - dep habarlaıdy 24.kz  - tilshisi.

Túpqaraǵan aýdanynda ótken jedel izdestirý barysynda qyzmettik ıt qurylysy aıaqtalmaǵan saraı janynda turǵan adamnan esirtki ıisin sezip qalady. Tintý kezinde kúdiktiniń qaltasynan ishinde marıhýana bar sirińke qoraby tabyldy. Artynsha osy jerden birneshe qapshyqqa salynǵan anashanyń jasyrylǵany anyqtaldy. Qazir osy derek boıynsha sotqa deıingi tergeý amaldary júrip jatyr.

Áıgerim Ibadýllaeva, oblystyq İİD baspasóz qyzmetiniń jetekshisi:

-Mańǵystaý oblystyq İİD tergeý basqarmasy bul derek boıynsha QR Qylmystyq kodeksiniń 296-babynyń 4-tarmaǵymen sotqa deıingi tergeý amaldaryn jalǵastyrýda. Qazirgi tańda kúdikti Aqtaý qalasyndaǵy ýaqytsha ustaý abaqtysyna qamaldy.