Ońtústik Qazaqstan oblysynda aǵymdaǵy jyly orman qory jeriniń 10 500 gektaryna sekseýil tuqymy sebiledi. Óńirdegi orman tuqymbaqtaryndaǵy kóshetterdiń sanyn bıyl 20 mıllıonǵa jetkizý josparlanǵan. Bul týraly oblystyq tabıǵı resýrstar jáne tabıǵat paıdalanýdy retteý basqarmasynyń mamandary  málim etti.

Mamandardyń aıtýynsha, oblysta myń gektar jerge mádenı ekpeler egilip, 5,5 myń gektar alqapqa ormannyń tabıǵı urpaqtanýyna yqpal jasaý jumystary júrgiziletin bolady. Atalǵan jumystar Qazaqstan Respýblıkasynyń «jasyl ekonomıkaǵa» kóshýi jónindegi tujyrymdamasynyń 2013-2020 jyldarǵa arnalǵan is-shara josparynyń «Ekojúıelerdi basqarý» bólimin iske asyrý aıasynda atqarylmaq. Jasyl ekonomıkaǵa kóshý boıynsha budan basqa oblystaǵy eldi mekenderdi kógaldandyrý maqsatynda 2017-2021 jyldarǵa arnalǵan «Shatqal» is-shara jospary bekitilgen. Aldaǵy bes jyl ýaqyt aralyǵynda oblystyń eldi mekenderdegi 36 659 gektar bolatyn jerge 15,5 mln  túp aǵash kóshetteri otyrǵyzylatyn bolady.