«Áziret Sultan» memlekettik tarıhı-mádenı qoryq mýzeıinde 18 mamyr halyqaralyq mýzeıler kúnine oraı  «Mýzeıge syı» aksıasy ótti.

Atalǵan shara barysynda«Áziret Sultan» qoryq-mýzeıi qorynda «Bákirjannyń ojaýy» ataýymen saqtaýly jádigerimizdiń  avtory - pedagogıka ǵylymdarynyń kandıdaty, aǵashtan túıin túıgen qolóner sheberi Bákirjan Áshiráliuly Aıdarbekov taǵy da erekshe jádigerdi usyndy. Túrkistan qalasyna arnaıy at basyn burǵan Bákirjan Áshiráliuly jasaǵan ojaýyna arnaıylap vıtrına jasap ákelip otyr. 

Qazaqstan Respýblıkasynyń Prezıdenti N.Á. Nazarbaevtyń: «Bolashaqqa baǵdar:rýhanı jańǵyrý» tarıhı maqalasynda «Egemen elimizdiń mádenı ómirinde mýzeılerdiń orny aıryqsha. Tarıhymyzdy tereń zerttep, onyń tájirıbesinen taǵylym alý – Qazaqstanda patrıotızmdi qalyptastyrýdyń, Otannyń laıyqty azamattaryn tárbıeleýdiń basty sharttarynyń biri...» –dep atap ótkeni belgili.
İs-shara barysynda «Áziret Sultan» qoryq-mýzeıi dırektorynyń orynbasary S.Úrkimbaev «Osyndaı mýzeı isine janashyrlyqpen qaraıtyn kózi ashyq, kókiregi oıaý azamatarymyzǵa alǵystan basqa aıtarymyz joq. Qurmetti Bákirjan Áshiráliuly, isińizge tolaǵaı tabystar tileı otyryp, bizdiń mýzeıdiń atynan, túrkistandyqtar atynan az ǵana saýǵamyzdy qabyl alýyńyzdy suraımyn» - dep, izgi nıetin bildirdi.

Bákirjan Aıdarbekov óz kezeginde ojaýdyń jasalý tarıhyna toqtalyp, kóziniń qarashyǵyndaı saqtap otyrǵan qoryq-mýzeı ujymyna sheksiz alǵysyn bildirdi. 

Aldaǵy ýaqyttarda da aksıa óz jalǵasyn tabatyn bolady. 

Aksıanyń maqsaty - ata-babadan qalǵan qundy muralardy mýzeıge ákelip, jas urpaqqa nasıhattaý.