Almaty ákimi Baýyrjan Baıbek Ázirbaıjan Respýblıkasy Prezıdentiniń kómekshisi Alı Gasanovpen kezdesti. Taraptar saýda-ekonomıkalyq jáne mádenı gýmanıtarlyq baılanystardy nyǵaıtý máselelerin talqylady.
Eki jaqty baılanysty nyǵaıtý maqsatynda ázirbaıjandyq tarap Almaty men Gándjany baýyrlas qalalarǵa aınaldyrýdy, sonymen qatar megapolıste Ázirbaıjannyń saýda úıin ashý múmkindigin qarastyrýdy usyndy.
Kezdesý barysynda Alı Gasanov qala basshylyǵy men Ál-Farabaı atyndaǵy QUMÝ-ne Ázirbaıjan tarıhy men mádenıetiniń Ortalyǵyn ashýǵa qoldaý bildirgenderi úshin alǵysyn aıtty.
«Men bul istiń halyqtarymyzdyń ózara birligin nyǵaıtýǵa jáne ǵylymı qundylyqtardy almasýǵa oń yqpal etetinine senimdimin. Biz Ázirbaıjan Demokratıalyq Respýblıkasynyń 100 jyldyǵy men jalpyulttyq jetekshimiz Geıdar Alıevtiń týǵanyna 95 jyl tolýyna oraı birneshe konferensıalar ótkizip úlgerdik. Sondyqtan bul qoldaý eki el arasynadǵy dostyq pen baýyrmaldyqtyń kepili bolyp tabylady», - dedi A.Gasanov.
