Parıj halqy ereýilge shyǵyp, sońy jappaı tártipsizdikke ulasty. Saldarynan túrli deńgeıde buzaqylyq jasaǵan 32 adam qamaýǵa alyndy.

Bul jolǵy ereýil «halyqtyq kóterilis» degen atqa ıe bolyp, jergilikti ýaqyt boıynsha kúndizgi 4 shamasynda bastalǵan. Jaı ǵana urandatyp, astana kóshelerin aralap kele jatqan ereýilshiler qataryna ústerine qara kıim kıgen bir top buzaqy qosylǵan. Olar polıseılerdi taıaqpen uryp, jaıaý júrginshilerge tas jaýdyrǵan. Al tártip saqshylary kóz jasaýratqysh qoldanǵan. Aıta ketý kerek, osydan eki kún buryn Parıj kóshelerine memlekettik qyzmetkerler, zeınetkerler men stýdentter shyqqan edi. Olardyń ashynýyna jalaqy boıynsha ındeksteýdiń toqtatylýy men jumys oryndarynyń qysqartylýy túrtki bolǵan. Dál osyndaı «halyqtyq kóterilis» Fransıanyń basqa qalalarynda da ótetin túri bar.