Birinshi orta salmaqta judyryqtasatyn 20 jastaǵy qazaqstandyq boksshy Sadrıddın Ahmedov (1-0, 1 KO) Kvebektegi (Kanada) Davıd Leme — Karım Ashýr boks keshinde jekpe-jek ótkizdi, dep habarlady Sports.kz.

Ahmedov 34 jastaǵy argentınalyq Arıel Alehandro Sampedrıge (9-3, 7 KO) qarsy tórt raýndtyq jekpe-jekti merziminen buryn aıaqtady. Ol 84-shi sekýndta qarsylasynyń baýyr tusynan aýyr soqqy jasap, nokaýtqa túsirdi. Osylaısha qazaqstandyq jas boksshy kásipqoı rıngtegi ekinshi jeńisine qol jetkizdi. Al argentınalyq karerasynda tórtinshi ret jeńiliske ushyrady.  

Esterińizge sala keteıik, Sadrıddın 7 sáýirde alǵashqy jekpe-jegin Tonı Barrerasqa (1-2, 1 KO) qarsy ótkizip, tańǵalarlyq jeńiske jetken bolatyn, meksıkalyq birinshi raýndtyń 31-shi sekýndynda-aq nokaýtqa tústi. Osy jekpe-jekten keıin UCN Live jýrnalısi Raıan Skalıa "jigittiń bolashaǵy jarqyn" ekenin aıtty, al onyń TVA Sports-taǵy áriptesi Nıkolá Martıno "bul esimdi este saqtaýǵa" shaqyrdy. 

Ahmedov kelesi jekpe-jegin Shavınıgande (Kanada) 16 maýsymda ótkizedi. Qarsylasy ázirge belgisiz.