Qazaqstan men Qyrǵyzstannyń ishki ister mınıstrlikteri áleýmettik jelini dúrliktirgen vıdeonyń qaıda túsirilgenin anyqtap jatyr dep jazady Sputnik Qazaqstan-ǵa silteme berip Qamshy.kz aqparat agenttigi.
Osydan birneshe kún buryn áleýmettik jelide áıel adam shamamen úsh jastaǵy qyzdy aıaýsyz uryp-soǵyp jatqany túsirilgen vıdeo jarıalanǵan bolatyn. Qazaqstandyq BAQ-ta polıseıler vıdeodaǵy adamdardy izdep jatqany jaıly málimet tarady. Rolık Qyrǵyzstanda da shý týǵyzyp, kórshi eldiń ishki ister mınıstrligi vıdeonyń qaıda túsirilgenin anyqtaýǵa kirisipti.
Vıdeoda áıel dıvanda jatqan balanyń ishinen tepkilep jatqany anyq kórinedi. Keıin ol qyzdyń qolyn aıaǵymen qosa ustap, qabyrǵaǵa urady, sodan soń edenge qoıyp, pyshaq kezengen, alaıda vıdeoǵa túsirip turǵan er adam ony toqtatyp qalǵan, áıel pyshaqty laqtyryp jiberedi.
"İİM vıdeony zerttep, ol Qyrǵyzstanda túsirilgen-túsirilmegenin anyqtap jatyr. Aldyn ala málimet boıynsha, jazba Internette taıaýda paıda bolǵan", — dep túsinikteme berdi Qyrǵyzstan İİM.
