Astana qalasynyń 20 jyldyǵyn atap ótý aıasynda Qazaqstan Respýblıkasynyń Syrtqy ister mınıstrligi Tuńǵysh Prezıdent - Elbasy kitaphanasymen birlese otyryp, 2018 jyldyń 5 maýsymynda «Astana - jahan shahary» atty halyqaralyq konferensıa ótkizgeli otyr, dep habarlaıdy QazAqparat tilshisi QR SİM baspasóz qyzmetine silteme jasaı otyryp.

«Konferensıanyń maqsaty aımaqtaǵy jáne álemdegi damý men qaýipsizdik máselelerin sheshý úshin ózara senim men yntymaqtastyqty bekemdeý boıynsha jańa ıdeıalardy talqylaý bolyp tabylady. Atalǵan taqyryp konferensıanyń birinshi sesıasynda talqylanbaq», - dep habarlady mınıstrlikten.

«Aqyldy qalalar» boıynsha sesıada qatysýshylar qalalyq ınttellektýaldyq tehnologıalardy engizý jáne Astanany ary qaraı órkendetý úshin osy iske halyqaralyq jáne otandyq bıznesti jumyldyrý máseleleri boıynsha talqylaý ótkizedi.

Astanany ınovasıalyq qarjylyq, saýda jáne kóliktik hab retinde damytý josparyna arnalǵan úshinshi sesıa elordanyń «Beldeýler men joldar» baǵytyndaǵy keleshegin, Batys pen Shyǵys arasyndaǵy dıalog boıynsha onyń rólin, sonymen qatar aımaqtyq jáne halyqaralyq saýda jáne baılanysty damytý boıynsha Qazaqstannyń áleýetin qarastyrýdy usynady.

Sonymen qatar, «Astana» Halyqaralyq qarjy ortalyǵynyń jumysyna, Halyqaralyq «jasyl» tehnologıalar ortalyǵyna jáne AstanaHub IT-startaptardyń Halyqaralyq tehnoparkine erekshe nazar aýdarylady.

Konferensıaǵa Italıanyń burynǵy syrtqy ister mınıstri Franko Frattını, Islam Yntymaqtastyǵy uıymynyń burynǵy Bas hatshysy Ekmelledın Ihsanoglý, Shanhaı Yntymaqtastyq uıymynyń burynǵy Bas hatshysy Muratbek Imanalıev, BUU-nyń Sırıa boıynsha Bas hatshysynyń arnaıy elshisiniń orynbasary Ramzı Ezzeldın Ramzı, sonymen qatar, halyqaralyq uıymdardyń, parlament depýtattary, halyqaralyq qaýipsizdik, qarjy salasyndaǵy sarapshylar qatysady.