Almatynyń Áýezov aýdandyq sotynda qyzdy qaǵyp óltirgen avtobýs júrgizýshisine qatysty sot úkimi shyqty, - dep habarlaıdy Tengrinews.kz tilshisi sot zalynan.
Sot Ánýar Jánibekovti QR Qylmystyq kodeksiniń 345-baby boıynsha aıypty dep tanyp, ony 1 jyl 6 aıǵa bas bostandyǵynan aıyrdy. Sondaı-aq, ol 4 jylǵa júrgizýshi kýáliginen aıyryldy. Sottyń úkimimen ol jazasyn qaýipsizdigi barynsha tómen deńgeıdegi mekemede óteıdi.
Eske salaıyq, jol-kólik oqıǵasy 18 sáýirde Tóle bı men Ótegen batyr kósheleriniń qıylysynda saǵat tańǵy segizde bolǵan. 24 jastaǵy qyzdy joldan óte bergende asqan jyldamdyqpen kele jatqan avtobýs qaǵyp ketken. Ol alǵan jaraqatynan oqıǵa ornynda qaza tapty.
