«Batysqa elikteımiz dep qarakózderimiz buzylyp bara jatqan joq pa?» Bul saýal búginde búkil qazaqtyń uıqysyn qashyryp, ýaıymdatyp otyr. Kishkentaı buzaqy uldardy tártipke sala almaı júrgende qarshadaı qyzdarymyzdyń birin-biri aıaýsyz sabaǵan jantúrshigerlik áreketteri jurttyń jaǵasyn ustatýmen keledi. Al jeti aıda 228 oqýshy qyzdyń etegi túrilip, ana bolýǵa aıaq basqany ne sumdyq?! Ótken jyldy aıtpaǵanda, aǵymdaǵy alty aıda 29 qylmys oqýshy qyzdardyń tikeleı ara­lasýymen jasalǵany eriksiz jaǵa ustatady. Olardyń janjal uıymdastyryp, jaǵa jyr­tysyp, ózgelerge álimjettik jasap, tonaý, tartyp alý, kúsh kórsetý syndy ádepsizdikteri týraly málimetke ne aıtýǵa bolady? Joǵaryda aıtylǵan merzim ishinde temeki men ishimdikke qumar 315 jasóspirim tirkelse, onyń teń jartysy – qyz balalar. Bul týraly Ońtústik Qazaqstan oblysynyń ákimi Asqar Myrzahmetov Tólebı aýdanynyń tabıǵaty ta­masha taýly aımaǵynda ornalasqan «Taý samaly» demalys kesheninde ótkizgen kezekti «Yrys aldy – yntymaq» atty jıynynda jarıa etti. Seıdahmettiń Aı-Nury, Facebook-tegi paraqshasynan