Pavlodar qalasynda memlekettik qyzmetshiler arasynda respýblıkalyq voleıboldan ótken týrnır máresine jetti.

14 oblys pen Astana, Almaty qalalarynyń komandalary arasynan OQO qurama komandasy top jaryp, 3 kúndik jarys nátıjesinde İİ oryndy ıelendi.

Sporttyq jarys memlekettik qyzmet organdarynyń qurylǵanyna  20 jyl tolýyna jáne memlekettik qyzmetshiler kúnine oraı uıymdastyryldy.

Atalǵan týrnırde ońtústik óńiriniń namysyn QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń OQO boıynsha departamenti bastap, oblys ákimi apparatynyń jáne oǵan baǵynysty mekemelerdiń jáne aýdandyq máslıhattardyń, kóliktik baqylaý ınspeksıasynyń, oblystyq sottar ákimshisiniń qyzmetkerleri qorǵady.

Sondaı-aq, belsendi qatysqany úshin Shardara aýdanynyń dene shynyqtyrý jáne sport bóliminiń bas mamany A.Esalıev qurmet gramotasymen marapattaldy.

Aıta keteıik, sporttyq is-sharanyń negizgi maqsaty - memlekettik qyzmettegi azamattardy salaýatty ómir saltyna baýlý, oblys kóleminde memlekettik qyzmetshiler arasynda dene shynyqtyrý men buqaralyq sportty arttyrý jáne memlekettik qyzmetshilerdiń kásibı merekesin atap ótý bolyp tabylady.

Jarys qorytyndysymen jeńimpazdarǵa medaldar men baǵaly syılyqtar tabystaldy.