KHDR basshysy Kım Chen Ynnyń ushaǵy jeksenbi kúni Phenánnan Sıngapýrǵa ushty.
Soltústik Koreıa tarapynan resmı habar shyqqan joq. Budan buryn Renhap agenttigi Phenánnan Sıngapýrǵa qaraı qytaılyq áýe kompanıalarynyń reısteri ushqanyn habarlaǵan. Mamandardyń boljamynsha, ushaqtyń ishinde KHDR basshysy Kım Chen Yn otyr, alaıda resmı aqparat joq.
Blýmberg agenttiginiń habarlaýynsha, Tramp Kım Chen Ynnyń kezdesýge kelgendegi nıetin bir kórgennen baıqaıtynyn aıtqan.
Aıta keteıik, Amerıka Qurama Shtattary prezıdenti Donald Tramp pen Soltústik Koreıa lıderi Kım Chen Ynnyń alǵashqy kezdesýi 12 maýsymda jergilikti ýaqytpen saǵat 09.00-da Sıngapýrda ótedi.
Budan buryn Aq Úı málimdemeshisi Sara Sanders kúndelikti baspasóz brıfıńinde AQSH prezıdenti Donald Tramp pen Soltústik Koreıa lıderi Kım Chen Ynnyń kezdesýi jóninde málimdeme jasady.
Kezdesýge baılanysty daıyndyqtardyń oıdaǵydaı ótip jatqanyn bildirgen Sanders: «Prezıdent kún saıyn komandasynan Soltústik Koreıaǵa baılanysty brıfng alyp otyr. Osy aıada Tramp pen Kım arasyndaǵy birinshi kezdesý 12 maýsym kúni Sıngapýrda jergilikti ýaqytpen saǵat 09-da bastalady» dedi.
Tramptyń Kımnen alǵan hat jónindegi bir suraqqa jaýap bergen Sanders hattyń ne týraly ekenin aıtpaıtynyn, alaıda hatty oqyǵan kezde «týra joldary ekenin kórsetkenin» bildirdi.
Sanders Koreıa túbegi ıadrolyq qarýdan tazalanǵanǵa deıin Soltústik Koreıaǵa baǵyttalǵan sanksıalardyń joıylmaıtynyn atap kórsetti.
Qos basshynyń kezdesýdegi negizgi maqsat – jaǵdaıdy bir qalypqa keltirý, retteý. Halyqaralyq qaýymdastyqtyń Phenánǵa qoıyp otyrǵan talaby – ıadrolyq synaqtan bas tartý.
