Búgin Shymkent qalasynda «Astananyń 20 jyldyǵyna - 20 nysan» aksıasy aıasynda «Astana» shaǵyn aýdany men «Astana» gúlzary ashyldy. Sonymen qatar, oblystyq ákimshilik-iskerlik ortalyǵy aýmaǵynda ornalasqan osy shaǵynaýdannan turǵyndarǵa jańa páterlerdiń kilti tapsyryldy.Saltanatty sharaǵa qatysqan oblys ákimi Janseıit Túımebaev pen qala ákimi Nurlan Saýranbaev kópshilikti osy qýanyshty sátpen quttyqtady.

- Shymkent – elimizde Astana men Almaty qalalarynan keıingi eń iri shahar. Búgin qalany  odan ári jasyldandyryp, kórkinarttyrý maqsatynda«Astana»  halyqtyń ıgiligine paıdalanýǵa berilip otyr. Ózderińiz tamashalap otyrǵan gúlzardyń ortalyq alańynda ornalasqan shańyraq beınesi halqymyzdyń ulttyq birligi men tatýlyǵyn meńzep turǵandaı. Sondaı-aq, búgin Astananyń 20 jyldyq merekesi qarsańynda qala turǵyndaryna jańa páter kiltin tapsyrǵaly turmyz. Bul jetistikterdiń barlyǵyna táýelsizdigimizdiń jáne Elbasymyzdyń arqasynda qol jetkizip otyrmyz. Barshańyzǵa sáttilik, shańyraqtaryńyzǵa qut-bereke tileımin. Qonystaryńyz qutty bolsyn! - dedi Janseıit Qanseıituly.

«Nurly jer» baǵdarlamasy boıynsha salynǵan bul úıdiń páterleri áleýmettik az qamtylǵan otbasylar men jetimderge jáne uzaq ýaqyttan beri turǵyn úı kezeginde turǵan azamattarǵa berildi. Jalpy, ákimshilik-iskerlik ortalyǵynda osy ýaqytqa deıin 90 myń sharshy metr turǵyn úı paıdalanýǵa berilgen. Qazirgi tańda munda kópqabatty 27 turǵyn úıdiń qurylysy júrgizilip jatyr. Endi bul móltekaýdan «Astana» dep atalatyn boldy.

Al, aýmaǵy 1 gektarǵa jýyq gúlzarda shynar, kashtan, qaıyń aǵashtary men túrli gúlder otyrǵyzylyp, oryndyqtar men jaryqshamdar, balalarǵa arnalǵan oıyn alańshalary ornatylǵan. Aldaǵy ýaqytta da qalany abattandyrý baǵytynda jumystar jalǵasyn tabady.