Astana qalasy ákimdigi Jastar teatrynyń akteri,  Qazaqstan tuńǵysh prezıdenti qory syılyǵynyń ıegeri,  «Úzdik akter» nomınasıasy boıynsha «Saxnager-2018» ulttyq syılyǵynyń ıegeri, Qyrǵyzstan Respýblıkasy mádenıet mınıstrliginiń «Qurmet gramotasynyń» ıegeri Dáýren Serǵazın, Astana qalasynyń 20-jyldyǵyna arnalǵan «SAMGAU»  VI Halyqaralyq teatr festıvaliniń «Úzdik er adam beınesi» nomınasıasyn ıelendi.

Talantty eshkim jasap ala almaıdy, bireýden surapta satyp ala almaıdy, ol Alladan beriledi.

Dáýren Serǵazın Jastar teatrynyń kórkemdik jetekshisi ári bas rejıseri, profesor, Qazaqstannyń eńbek sińirgen qaıratkeri Nurqanat Jaqypbaıdyń eń myqty shákirtteriniń biri. Sahnalyq keıipker bolmysyn qaz-qalpynda berýge umtylysynda  janr talǵamaıtyn akter, búgingi tańda  ustazynan alǵan tálimin kórermenine shynaıy jetkize bilgen talantty ári sheber akter.

Búgingi kúnde qazaqtyń teatr jáne kıno ónerinde eńbegi sińip júrgen naǵyz qaıratker.

Teatr sahnasynda birde – Hlestakov, birde – Lúchensıo, birde  - Qoja, birde – Ámir, birde - Artýr rólderimen qalyń kórermenniń júreginen oryn alyp júrse, kıno ónerinde Aldar kóse, Shámshi, Mádı, Aıdar obrazdarymen keń tanylyp júr.