Atmosferalyq fronttardyń ótýine baılanysty Qazaqstannyń basym bóliginde turaqsyz aýa raıy saqtalady dep habarlaıdy Qamshy.kz aqparat agenttigi Qazgıdrometke silteme jasap.

Tek batysta jáne ońtústik-batysynda jaýyn-shashynsyz turaqty aýa raıy kútiledi. Keı jerlerde naızaǵaımen jańbyr jaýyp, jel kúsheıip, daýyl, burshaq bolýy múmkin.

 Soltústik Qazaqstan oblysynyń keı jerlerinde naızaǵaı, daýyl bolyp, burshaq jaýýy múmkin, túnde jel 15-20 m/s, kúndiz 15-20, keı jerlerinde ekpini 23-28 m/s  kútiledi.

Kúndiz Jambyl oblysynyń keı jerlerinde naızaǵaı, daýyl bolyp, burshaq jaýýy múmkin, jel 15-20, ekpini 23 m/s kúsheıedi.

Qostanaı oblysynyń keı jerlerinde naızaǵaı, burshaq bolýy múmkin, jel 15-20 m/s jetedi. Almaty, Ońtústik Qazaqstan oblystarynyń keı jerlerinde jel 15-20 m/s Ońtústik Qazaqstan oblysynyń keı jerlerinde naızaǵaı kútiledi.

Qyzylorda, Mańǵystaý oblystarynyń keı jerlerinde jel shańdy daýylmen 15-20 m/s kúsheıedi.

Shyǵys Qazaqstan, Pavlodar oblystarynyń keı jerlerinde naızaǵaı, burshaq bolýy múmkin, jel 15-20 m/s kúsheıedi. Qaraǵandy oblysynyń, kúndiz Aqtóbe oblysynyń keı jerlerinde jel 15-20 m/s kúsheıedi, Qaraǵandy oblysynyń keı jerlerinde naızaǵaı kútiledi.

Mańǵystaý oblysynyń basym bóliginde, Qyzylorda, Atyraý, Aqtobe, Ońtústik Qazaqstan, Jambyl oblystarynyń keı jerlerinde óte joǵary órt qaýpi saqtalady.