Batys Qazaqstan oblysynyń ortalyǵynda jer kólemi 425 gektardy quraıtyn «Aqjaıyq» jańa shaǵynaýdanynyń qurylysy bastalmaq. Atalǵan aýdanda 150 kópqabatty turǵyn úı boı kóterip, 9600 oqýshyǵa arnalǵan segiz jalpy bilim beretin mektep pen toǵyz balabaqsha, sonymen qatar densaýlyq saqtaý nysandary men 78 balalar oıyn alańy da salynatyn bolady.

Qazirgi tańda Oral – Sara­ tov kúrejoly boıynda paıda bolatyn bolashaq shaǵynaýdanǵa ınfraqurylym je­lilerin tartý jumystary qyzý qolǵa alyndy. Injenerlik jeli­ler­diń jalpy uzyndyǵy – 124,8 shaqyrym. Al oǵan jumsalatyn qar­jynyń jalpy somasy – 3,92 mlrd. teńgeni quraıdy. Keshe oblys ákimi Altaı Kólgi­ nov qurylys alańynda bolyp, mer­digerlermen kezdesti. Sý, elektr jelisi, tabıǵı gaz sıaqty ınje­nerlik jelilerdi jetkizýshi qu­ry­lys kompanıalarynyń basshyla­ rymen jeke-jeke tildesip, mánjaıǵa tolyq qanyqqan oblys áki­ mi josparlanǵan jumystardyń ýaqtyly jáne sapaly orynda­lýyn tapsyrdy. – Qurylys jumystaryn jaýynshashyn maýsymy bastalǵanǵa de­ ıin aıaqtaý qajet. Jańbyr men erigen qar sýy aǵatyn aryqtar­dyń salynýyn basty nazarda us­taǵan jón. Elektr jelileri to­lyq­taı jerdiń astymen júrgizi­le­di. Bul jerde zamanaýı stan­ darttar men talaptarǵa jaýap be­retin shaǵynaýdan paıda bola­dy. Elektr jelilerin tartý kezin­ de sıfrlandyrý aıasyndaǵy ju­ mystardy da birden qolǵa alý ke­ rek, – dedi Altaı Seıdiruly. Jalpy uzyndyǵy 25,6 shaqy­rymdy quraıtyn sýmen qamtý je­ lisiniń (jalpy somasy – 370,025mln. teńge) qurylysyna jaýapty bas merdiger «PMK-117» JSHSnyń dırektory Olga Popova­nyń aıtýynsha, jumys kestege saı yrǵaqty júrgizilýde.

– 20-dan astam adam mamyr aıynan beri jumys istep jatyr. Jerdiń ústińgi qabaty arshylyp, aryqtar qazylýda. Búginge deıin 4,5 shaqyrym polıetılen qubyr­lar ornatyldy. Nysandy bekitil­ gen josparǵa saı qarasha aıyn­ da tapsyrýymyz kerek. Alaıda, jumysty merziminen buryn qa­ zan aıynda aıaqtaýdy josparlap otyrmyz. Jańa shaǵynaýdan qala­ nyń ortalyq sýmen qamtý jelisi­ne qosylatyn bolady, – deıdi ol. Jalpy uzyndyǵy 10,9 shaqy­ rym­dy qamtıtyn gaz qubyrynyń (jalpy somasy – 329,225 mln. teń­ge) qurylysyna kirisip ket­ken «Laıge» JSHS ókiliniń aıtýyn­sha, «Aqjaıyq» shaǵynaýdanyn­da­ǵy áleýmettik nysandar men kóp­qabatty turǵyn úılerdiń der­bes, avtonomdy jylý júıesi bolady. Shaǵynaýdandaǵy ár kvartal, sha­mamen 10-12 kópqabatty turǵyn úıge jylý qazandyǵy ornatyl­ maq. Qazir 26 qosalqy stansanyń qurylysy júrýde. 10 kılovatt jeliniń uzyndyǵy 33 shaqyrym, kabeldiń uzyndyǵy 57 shaqy­rym. Jer asty kabeldi jeli tartylǵan soń, kelesi kezekte kóshe jaryǵynyń tirekteri ornatyla bastaıdy. Gazben qamtý jumystary tamyz aıynyń sońy men qyrkúıek aıy­nyń basynda, elektr jelilerin tartý qyrkúıek aıynda, al sý qu­byrlarynyń qurylysy qazan aıyn­da aıaqtalmaq. Keler jyly aldymen kópqabatty turǵyn úı­ lerdiń, odan keıin áleýmettik ny­ sandardyń qurylysy bastalady. Oral qalasynyń ákimi Murat Muqaevtyń aıtýynsha, jańa sha­ǵynaýdan men qala aralyǵyn baı­lanystyratyn jańa kópir de sa­lynady.

– Shaǵan ózeniniń arǵy betinen Sydyqov jáne Mámetova kóshelerine deıin jalǵaıtyn kópir qurylysynyń jobalyq jumys­ta­ryn keler jyly aıaqtap, 20202021 jyldary jańa kópirdiń qu­rylysy júrgiziledi, – deıdi Oral qalasynyń ákimi Murat Rahmetuly.