Kýlmatov advokaty Sergeı Slesarevtiń aıtýynsha, qylmystyq is týraly sotta ǵana estigen. Sot otyrysynda prokýror qylmystyq istiń 14 maýsymda qozǵalǵanyn habarlaǵan.

Qyrǵyzstannyń ulttyq qaýipsizdik memlekettik komıteti Kýlmatovqa qarsy qozǵalǵan ekinshi qylmystyq is málimetterin habarlady. Komıtet aqparaty boıynsha, 1995 jyly Kýlmatov KSRO tólqujatyn joǵaltýyna baılanysty Reseı azamatynyń tólqujatyn alǵan. Degenmen 1996 jyly KSRO tólqujaty joǵaldy degen syltaýmen Qyrǵyzstan azamattyǵyn zańsyz túrde alǵan.

2001, 2003 jáne 2013 jyldary Kýlmatov tólqujat aýystyrǵan. Tergeý buny tólqujat ústelindegi qyzmetkerlerdi shatastyrý úshin jasalǵan dep esepteıdi.

Búgin Bishkek qalalyq soty Kýlmatovqa qarsy birinshi is boıynsha kúdiktini qamaýda qaldyrdy, sol arqyly Birinshi mamyr aýdandyq sotynyń sheshimin kúshinde qaldyrdy. Kýlmatovty UQMK qyzmetkerleri 5 maýsymda tergeý kezinde qamaýǵa alǵan.

Kýlmatovqa 18 mamyrda "jemqorlyq" aıyby taǵyldy. Onyń úıinde tintý júrgizilip, múlkine arest qoıyldy.

Tergeý nusqasy boıynsha, Kýlmatov 2014 jyly Bishkek meri bolyp turǵanda 2 mln dollardyń grant qarajatyn zańsyz jumsaǵan. Bul aqsha Bishkek JES-in jóndeýge bólingen.

Kýlmatov ózine taǵylǵan aıyptarmen kelispeı otyr.