QazMUÝdyń jýrnalısıka fakúltetin qyzyl dıplommen bitirgen, jýrnalısıka salasynyń maıtalmany, memlekettik tildegi birneshe jýrnaldyń Bas redaktory Jarylqapty Myrzataı Joldasbekov memlekettik tildi bilmeıdi dep qulatyp jiberýge júregi daýalamas, eger «joǵary jaqtan zvonok bolmasa»... (onda el aldynda masqara bolary anyq). Jarylqap Qalybaıdy 93 000 qol jınaýda súrindirýi múmkin ekenin osy ýaqytqa deıin de aıttym. Kezekten tys saıtaý ótkizýdiń negizgi maqsatynyń ózi qarsylastyń daıyndalýyna múmkindik bermeý. Osy jaǵdaıdy eskere otyryp, barlyq oblystarda ultshyl, memleketshil azamattardy Jarylqap Qalybaıdy qoldaýǵa shaqyramyn. «N. Nazarbaevtyń jeńetinin bilip otyryp, Jarylqaptyń shyqqany ne?» dep jazyp jatyr biraz azamattar. Ia, bul saılaýda da N. Nazarbaev jeńisti shappaı alýy múmkin, biraq ómir onymen toqtap qalmaıdy. Erteń «Jarylqap Qalybaı Prezıdenttikke kandıdat bolyp, osynsha daýys jınaǵan...» degen sózdiń ózi sheshýshi ról atqarýy múmkin. Búgingi saıasat qalaı bolsa da erteń Qazaqstannyń saıasat sahnasyna ultshyldar men memleketshilderdiń keletinine bek senimdimin. Sondyqtan búginnen bastap saıasattyń múmkin amaldarynyń barlyǵyn jasap baǵý biz úshin asa mańyzdy. Sondyqtan, Qazaq Ulttyq keńesi tóraǵasynyń orynbasary Jarylqap Qalybaıdy qoldaýlaryńyzdy suraımyn. Bul Qazaq memleketiniń erteńi úshin qosqan úlesterińiz dep túsinińizder. (Maqsat İlıastyń feısbýktegi paraqshasynan)