14 shildede Almaty oblysyndaǵy taýlardyń birinde jeti jasar Ernur Sádýaqas jumbaq jaǵdaıda joǵalyp ketti. Dostarymen «Kishi jaz» jaılaýyna oınaýǵa ketken bala qaıtyp oralmaǵan, al dostarynyń bári úılerine qaıtqan eken. Bul týraly KTK arnasy habarlady.

Polısıa qyzmetkerleri, qutqarýshylar men eriktiler balany úsh táýlik boıy izdepti, alaıda nátıjesiz. Al balalardyń aıtýynsha, aýyl turǵyny olardy pyshaqpen qorqytqan kórinedi.

Esteri shyqqan balalar taýǵa qaraı qashqan. Al Ernur belgisiz sebeptermen tómen qaraı júgiripti. Sodan keıin ony eshkim kórmegen. Joǵalǵan balanyń jaqyndary buǵan senbeı otyr. Olardyń oıynsha, balaǵa 45 jastaǵy Asqar esimdi baqtashy qoqan-loqy kórsetken bolýy múmkin. Ol kún saıyn iship alyp, ózin birtúrli ustaıtyn kórinedi. Aýyldastarymen tipti aralaspaıdy eken.

«Malshy ádettegideı iship alyp balalar onyń telefonyn urlap ketti dep oılaǵan shyǵar. Al meniń balam balalarmen qashyp úlgere almaı qalǵan. Álgi erkek balanyń qaıda ekenin biletinine senimdimin. Alaıda sol jaǵdaıdan keıin ol adamdy aýyldan kórgen joqpyz», - deıdi balanyń anasy Lázzat Shalabaeva.

Malshy tergeldi me, joq pa, áli belgisiz. Tergeýshiler qandaı da bir pikir berýden bas  tartyp otyr.

Eger bala jaqyn kúnderi tabylmasa, izdeý jumystaryna taǵy birneshe adam qosylady.