«AQSH prezıdentin synaýshylar Tramptyń "Reseı prezıdenti Vladımır Pýtınge óz barlaýshylarymnan qaraǵanda kóbirek senemin" degenin jappaı synǵa alǵan.

17 shildede Tramp jýrnalıserdi Aq úıge jınap, "Amerıkanyń arnaıy qyzmetine Reseı prezıdentine qaraǵanda kóbirek senetinin" aıtty.

Tramp Helsınkıde "sózden jańylǵanyn" moıyndady (18 shilde, 2018)».

AQSH prezıdenti D.Tramptyń Reseı prezıdenti V. Pýtınniń aldynda salmaǵynan aırylyp, epelektep qalǵanyn álem aqparaty jarysa jazýda.

Tramptyń Reseı prezıdenti Pýtınge degen erekshe «súıispenshiligi men zor mahabbatynyń» syryn kópshiligi ishteı sezgenderimen, syrttaı aıǵaılap aıtyp jatqan  joq.

Sonymen birge Tramptyń «Eýroodaqty taratý kerek», Tereze Meıge «Eýroodaqty sotqa ber» dep aqyl aıtýy, t.b. qyzyq-qyzyq minezderine bireýdiń kúlkisi kelgenimen, endi bireýdiń jylaǵysy keledi. Sondaı-aq, Tramptyń eki sóziniń biri «aqsha, paıda tabý». Sonda memlekettik saıasat qaıda qalady?

Bireýlerdiń sondaǵy qandastarymyzdy jazyqsyz jazalap, jer aýdaryp jatqanyn kórip, bilip otyryp, kórshidegi alyp memlekettiń kósemi meni «aǵa dep aıtty» degeni sıaqty, Tramptyń da Pýtın aldynda óz salmaǵynan aırylyp qalatynyń syry nede eken osy?

Jalpy saıasatta jeke bastyń múddesi degen bolamaıdy. Tek memlekettik deńgeıde ǵana oılaýdy, sóıleýdi, ózin ustaýdy talap etedi álemdik tájirıbe.

Al myna zaman ne bolyp bara jatyr? Kim usaqtap bara jatqan? Kimdi aljyǵanǵa jatqyzýǵa bolady?

Jalpy, memlekettik saıasat – eshkimge de oıynshyq emes!

Shynynda da V. Pýtın Tramptyń AQSH prezıdenttigine saılaý kezinde báseklksi Hılları Klıntondy qalaı kimniń «zor kómegi» arqasynda jer soqtyryp ketkenin, onyń qupıasyn biletin jalǵyz adam sıaqty.

AQSH prezıdenti Reseı prezıdentimen esh kýásiz ońashada uzaq sóılesýleriniń de syry sol jumbaq kúıinde qalýda.

Sonymen D. Tramp Pýtınniń aldynda nege elpildep qalady eken?

Jumash Kókbóri