Nazarbaev ýnıversıtetinde sal aýrýymen kúrestiń jańa jobasy jasalynýda. Bul týraly atalǵan oqý ornynyń ókilderi málimdedi, dep habarlaıdy Qamshy.kz aqparat agenttigi digitalkz.kz saıtyna silteme jasap.
Insýlttiń saldarynan kóptegen adamdar paralıchke ushyraıdy. Endi buny emdeıtin apparat qurastyrylý ústinde. Jańa joba biryńǵaı apparattardan quralǵan. Ol óz kezeginde mı sıgnalyn oqyp, ınsýlttyń saldarynan sal aýrýyna ushyǵaran adamnyń qolyn qalypqa keltiredi eken.
«Apparat qoly joq adamǵa nemese onyń qyzmeti isten shyqqan adamǵa arnalǵan. Ol qolǵa jattyǵý jasap, qoldyń jumys isteý qabiletin arttyrady. Iaǵnı, júıke jasýshalaryn oıatady», - dedi joba járdemshisi Beıbit Ábdikenov.
Al, apparat qalaı jumys isteıdi degen suraqqa keler bolsaq, ol 3 qosymshadan quralǵan. Alǵashqysy basqa kıý úshin jasalǵan. Aldymen oǵan suıyqtyq (gel) jaǵyp alý qajet. Eger ol suıyqtyq jaǵylmaıtyn bolsa apparat sıgnaldy durys oqymaıtyn kórinedi.
Odan keıin mı sıgnaly monıtorǵa túsedi. Ol túrli-tústi belgiler arqyly kórinip, apparatty durys qoldanǵanynan habar beredi.
«Budan keıin qoldy jazyp-tartý arqyly sıgnaldy oqýǵa járdemdesý kerek. Ol óz kezeginde mı sıgnalyn túbegeıli anyqtaıtyn bolady. Monıtorda qyzyl-jasyl belgiler shyǵady. Jasyl belgi apparattyń durys kıilgendigin kórsetse, qyzyl tús teris qoldanǵandyqty aıǵaqtaıdy. Bul qurylǵyny bizder satyp aldyq. Al, bolashaqta ózimiz jasaǵymyz keledi. Nege deseńiz osy apparattyń kemshilikteri bar, biz ony jaqsartqymyz keledi», – dedi ınjenernıa mektebiniń túlegi Sharıpov Asqat.
Ekinshi apparatty osy jobany jasaýǵa atsalysyp júrgen atalǵan mekemeniń túlegi Joldasqan Baıken aıtyp berdi.
«Bul qurylǵy qoly isten shyqqan adamǵa arnalǵan. Insýlttan soń qolynyń jumis isteý qabileti nasharlaǵan, tipti múldem sal bolyp qalǵan qoldy buryńǵy saý qalpyna keltirý úshin jasalǵan. Qoldy ashyp-jazý arqyly ol qoldyń bulshyq etterine áser etedi. Nátıjesine qol kletkalary oıanyp, birte-birte saý qalpyna keledi», - deıdi J. Baıken.
Úshinshi apparat bolsa apparat qoly múldem joq adamǵa arnalǵan. Ol qoldyń ornyna jumylyp-bosap otyrady. Osy jattyǵý qoldyń jumys isteý qabiletin arttyrady.
Statısıkalyq málimetterge súıensek, Qazaqstanda jyl saıyn 50 myńǵa jýyq adam ınsýltqa ushyraıdy eken. Al, onyń 80 paıyzy sal bolyp qalýda. 2017 jyly bul qaýipti dert 3 myń adamnyń ómirin qıǵan. Eń qıyny, buryn egde jastaǵy adamdar aýyratyn bul indet túrimen búginde jas jetkinshekter de aýyra bastapty.
Aıta ketý kerek, atalǵan joba Nazarbaev ýnıversıtetiniń profesory Prashant Jamaldyń (Prashant Jamwal) jetekshiligimen qolǵa alyndy. Joba járdemshisi PhD kandıdaty Ábdikenov Beıbit. Al, jobany júrgizýge atsalysyp júrgen ınjenerıa mektebiniń túlekteri - Sharıpov Asqat pen Joldasqan Baıken.
