Qyrǵyzstannyń Osh oblysyndaǵy Nookat aýdanynda osyndaı qaıǵyly jaǵdaı oryn aldy. İİB deregine súıensek, shildeniń 2 kúni Nookat aýdanynyń Bel aýylynyń tóńireginen azaptap óltirilgen 22 jastaǵy qyzdyń múrdesi tabyldy. Ekspertızanyń aıtýynsha, qyzdyń sýda jatqanyna 10-12 kún bolǵan. Kúdikti retinde qaıtys bolǵan qyzdyń anasy men týǵan aǵasy ustaldy.
"Qyzdyń basy jarylǵan, aıaǵy baılaýly bolǵan. Anasy qyzyn óltirgenin moıyndap otyr. Qyzyn qorqytpaqshy bolǵan ol qyzyn kanalǵa laqtyrǵan eken» deıdi baspasóz qyzmeti.
Polısıanyń deregine keler bolsaq, marqum bolǵan qyz ústimizdegi jyldyń mamyr aıynda nekesiz bala týǵan. Bosanǵannan keıin náresteni basqa bir otbasyǵa asyraýǵa beripti. Biraq jaqyndary otbasyny uıatty etken qyzdy keshire almaǵan.
Qolyn qyzynyń qanyna boıaǵan ana 47 jastaǵy mekteptiń muǵalimi bolyp shyqty. Kúıeýimen ajyrasyp ketken. Degenmen otbasy syrt kózge tatý-berekeli bolyp kóringen. Marqumnyń 24 jastaǵy aǵasy da jalǵyz qaryndasynyń uıatty tirligin keshire almaı, osyndaı qadamǵa barǵanyn aıtty. Bir aıta keterligi, qyz óz úıinen jıi qashyp ketetin bolǵan. «Sondyqtan da aıaǵyn baılap tastadyq, taǵy qashyp ketpesin dep» dep jaýap berdi anasy men aǵasy.
Búgingi tańda olar «Qylmys» baby boıynsha temir torǵa qamaldy.
