2018-2019 jyldary Aqtóbe oblysynda 6,4 mlrd. teńge somasyna 19 gazben jabdyqtaý jobasy iske asyrylatyn bolady.

Bul týraly Óńirlik komýnıkasıalar qyzmetindegi baspasóz konferensıasy barysynda Aqtóbe oblysynyń Energetıka jáne turǵyn úı-kommýnaldyq sharýashylyq basqarmasynyń basshysy Dastan Amanov habarlady.

Onyń aıtýynsha gaz qubyrlarynyń jalpy uzyndyǵy 6 270 km quraıdy. Aqtóbe oblysyndaǵy 374 eldimekenniń 115-ne gaz tartylǵan, olarda 752 myńnan astam adam turady.
«2018 jyly jalpy somasy 483,2 mln.teńge bolatyn 3 aýyspaly jobany, onyń ishinde, Áıteke bı aýdanynyń Araltóbe aýylyna gaz jetkizý qubyrynyń, Áıteke bı aýdanynyń Araltóbe aýylyndaǵy kentishilik gaz qubyrynyń jáne Hromtaý aýdanynyń Jazyq aýylyndaǵy Áıteke bı aýdanynyń Araltóbe aýylyna kentishilik gaz qubyrynyń qurylysyn aıaqtaý josparlanyp otyr. Eki jyl ishinde jalpy smetalyq quny 6,4 mlrd.teńge bolatyn 19 gazben jabdyqtaý jobasy iske asyrylatyn bolady», - dedi Dastan Amanov.

Olardyń arasynda Áıteke bı, Alǵa, Baıǵanın, Oıyl, Yrǵyz, Muǵaljar, Temir, Qobda aýdandarynyń aýyldaryna gaz jetkizý jáne kentishilik qubyrlar qurylystary bar. 14 joba boıynsha qurylys-montaj jumystary júrgizilýde. Olardy paıdalanýǵa berý 2019 jylǵa josparlanǵan. Osy jobalardy júzege asyrý nátıjesinde turǵyndardy gazben jabdyqtaýmen qamtamasyz etý 89% quraıdy.

Sonymen qatar, áleýmettik nysandardy tabıǵı gazǵa kóshirý jóninde de sharalar alynýda. Búgingi tańda 38 áleýmettik nysannyń 28-i gazǵa aýystyryldy.