Bul jaıynda lagerge baryp kelgen oqýshylardyń biri qaıtyp oralǵannan keıin jedel járdem shaqyrtyp, dárigerdiń kómegine júgingennen keıin belgili boldy. Qalalyq bilim basqarmasy qyzmetkerleriniń aıtýynsha, uryp-soqqany týraly faktiler vedomstvoǵa kelip túspegen.
15 jastaǵy Meırambek Tólegenov esimdi jasóspirim lagerden kelgennen keıin jedel-járdem shaqyrtqan. Oral qalalyq mektebiniń 9-synybynda oqıtyn 4 oqýshy basqa da balalarmen birge jaǵy demalys kezinde «Qaısar» lagerine baryp, 5 kún sol jerde bolýdy josparlaǵan. Nátıjesinde densaýlyǵynan aıyrylyp keldi.
«Qaısar» lageri alǵashynda tártibi qıyn oqýshylardy túzeý maqsatynda qurylǵan. Búgánde onyń tanymaldyǵy artyp, balalar lagerine aınaldy. Meırambek Tólegenovtiń mektepte tártibi jaǵynan esh qıyndyqtar bolmaǵan, dostarynyń arasynda tatý ári bedelge ıe bala bolǵan. Jyl aıaqtalar ýaqytta onyń anasy Zamıra Qojamberlıevaǵa balasyn áskerı-patrıottyq lagerge jiberýge usynys bildirgen.
25 maýsym kúni Meırambek Alǵashqy áskerı daıyndyq páninen beretin muǵalimimen birge, taǵy qasynda bes bala bar, altaýy lagerge qaraı shyqqan. Ol jerde balalardy basqa komandırler men tárbıeshiler kútip alǵan.
«Bes kún ótkennen keıin, 30 maýsym kúni saǵat 11-ler shamasynda úıge qaıtyp keldi, túri óte sharshańqy bolǵan. Basynda onsha mán bermegen edim, 15-20 mınýttan keıin №43 mektep oqýshylarynyń ata-analary habarlasyp, Abaıdaǵy polısıa bólimshesine kelýimizdi aıtty. Sol jerde balalarymyzdy qurdastary lagerde aıaýsyz uryp-soqqanyn bildim», - deıdi zardap shekken balanyń anasy.
№43 orta mekteptiń taǵy úsh balasy zábir kórgen, Meırambek ol balalardyń 9-synyp oqýshylary ekenin aıtypty. Olardy qoldarymen, taıaqpen kóbinese arqalarynan, deneniń tómengi bóliginen uryp-soqqan. Zábir kórsetken balalar olarǵa: «Shydaısyń ba?», «Shaǵymdanbaı júre alasyń ba?», «Synaqtan óte alasyń ba?» dep aıtqan eken.
«Biz polısıaǵa aryz jazdyq. Keıinnen meniń balamdy urǵan balalardyń biriniń anasy maǵan keldi de ózimdi jala japtyń dep aıyptaı bastady. Áskerı-patrıottyq lagerde mundaı sumdyq jaǵdaılar oryn aldy degenge sený maǵan da qıyn tústi», - deıdi Zamıra.
«Qaısar» lageriniń tárbıe isi jónindegi bólim basshysy Jazıra Ryskazıevanyń aıtýynsha, atalmysh oqıǵaǵa baılanysty lager ákimshiligi men tárbıeshileri jáne balalardyń ata-analary shaqyrylyp, jınalys bolǵan.
«Ata-analar lagerdiń jumysyn baqylaýǵa alýdy ótindi. Sonymen qatar, uryp-soqqan balalarǵa qatysty qandaı da shara qoldaný qajettigin aıtty. Taraptar bir-birine esh narazylyqtary joq ekenin aıtqan. Jınalys bolǵan kúni máseleni sheshken bolatynbyz», - dedi bólim basshysy.
Al bul iske qatysty zardap shekken balanyń oıy múldem basqasha. Anasynyń: «Senderdi uryp-soqqanda tárbıeshiler men komandırler qaıda boldy?» degen suraǵyna bala: «Olar kóp ýaqytta tek ózderimen-ózderi júretin. Al bizge qaraý kerek bolǵan tárbıeshi kúni boıy nardy oıynap otyrdy», - dep jaýap bergen.
Derekkózi: Uralskweek.kz
