Dárigerler Denıs Tendi nege aman alyp qala almaǵanyn túsindirdi. Bul týraly Tengrinews.kz tjazdy.

Ortalyq qalalyq klınıkalyq aýrýhananyń bas dárigeriniń orynbasary Erjan Quttyǵojınniń aıtýynsha, Denıs Ten aýrýhanaǵa saǵat 15.23-te tústi.

"Barlyq týysy men jaqynyna kóńil aıtamyn. Kenetten kelgen ólim boldy. Klınıkaǵa asa aýyr jaǵdaıda tústi. Eki saǵattan asa ýaqyt boıy júregi men ókpesine jansaqtaý sharalary júrgizildi. Biraq, amal ne, qaıtys boldy. Ómirlik mańyzy bar organdaryndaǵy jaraqattar tańyp qaıtys boldy", - dep túsindirdi dáriger.

Dárigerdiń aıtýynsha, kómek birden kórsetildi.

Munyń aldynda mánerlep syrǵanaýshy Denıs Tenniń Almatyda jasalǵan shabýyldan qaıtys bolǵany habarlanǵan edi.

Búgin Almatyda belgisiz bireýler Denıs Tendi pyshaqtap ketken bolatyn. Oqıǵa shamamen 15.00-de Qurmanǵazy men Baıseıitova kósheleriniń qıylysynda bolǵan. Keıin qalalyq İİD ókilderi Denıs Tenge avtourylar shabýyl jasaǵanyn málimdedi. Sóıtsek, sportshy urylardyń ústinen túsken bolyp shyqty. 

Denıs Ten - QR eńbek sińirgen sport sheberi, 2014 jylǵy qysqy Olımpıada oıyndarynyń qola júldegeri.