Instagram-da Denıs Tendi óltirdi degen kúdiktimen attas jeli qoldanýshysy sońǵy 12 saǵatta birtúrli jazbalar qaldyrǵan, dep jazady Qamshy.kz aqparat agenttigi. Jelide ózin nuraly_kiyasov dep saqtaǵan qoldanýshy dál sol kúdikti me, joq pa, ol jaǵy beımálim. Alaıda 24 saǵat ishinde jarıalanǵan myna jazbalarǵa nazar salsańyzdar deımiz.
19 shilde kúni búkil qazaqqa ortaq qaıǵyly oqıǵa oryn alǵan edi. Mánerlep syrǵanaý sheberi, Qazaqstandy álemge tanytyp júrgen dańqty sportshy Denıs Ten pyshaq jaraqatynan keshe keshki saǵat 17.30-da qaıtys boldy.
Derekterge súıensek, tapa-tal túste Denıs Ten kóliginen aına urlamaq bolǵan urynyń qolynan qaza tapty. Polısıa qyzmetkerleri bir táýlikke jetkizbeı eki kúdiktini de ustady. Tergeý jumystary jalǵasyp jatyr. Kúdiktiniń biri 1994 jylǵy Jambyl týmasy Nuraly Qıasov kinásin moıyndaǵanymen, bul oqıǵaǵa qatysty kóptiń kókeıinde kúdik basym bolyp tur. Osyǵan oraı Qamshy.kz aqparat agenttigi kúdiktiler jaıly aqparat izdeýge kóshti. Nátıjesinde Instagram jelisinde Nurlan Qıasov esimdi qoldanýshyny kózimiz shaldy.
Máselen, osydan 3 saǵat buryn jarıalaǵan sýretinde bylaı delingen: «Saǵan eshkim sengisi kelmese, aqtalý da múmkin emes».
Ári 3 saǵat buryn túrme ishinen sýret jarıalanǵan.
Sonymen qatar «Meni rasynda kináli dep oılaısyz ba?» degen saýal tastapty. Oǵan jeli qoldanýshylarynyń 64 paıyzy «Iá» dep jaýap qatqan.
Bul derekterdiń ras-ótirigi belgisiz. Polısıa qyzmetkerleriniń arasynda júrgen kúdikti óz paraqshasyn júrgizip otyra almaıtyny anyq. Deı turǵanmen sportshynyń qazasy jumbaqqa toly ekenin moıyndaýymyz kerek. Tapa-tal túste, adam kóp júretin orynda bedeldi sportshynyń óltirilýi rasynda kóptiń kókeıine myń saýal ákeledi. Sheshimin tabý ýaqyt enshisinde. Al bizde tergeý jumystary ádil júrgizilse degen tilek bar.
