Keshe keshkisin Astanada Beıbitshilik pen Moldaǵulova kósheleriniń qıylysynda Ulttyq ulan áskerıleri serjant Aızat Dúısekeev pen qatardaǵy Aleksandr Sýshıkke bir áıel adam kelip, tútindep jatqan úıden er azamatty qutqarýǵa járdem jasaýyn suraıdy.

Onyń aıtýynsha páterde egde tartqan er azamat qalyp, óz erkimen basapanadan shyǵa almaı jatyr eken. Beıbit turǵyndarǵa kómekke kelýdi paryzy sanaıtyn jaýyngerler birden tútindep jatqan páter jaqqa qaraı júgiredi.

Sóıtse, tútin kúlli podezdge tarap, adam ómirine qaýip tóndire bastaǵan eken. Buǵan seskenbegen ulandyq áskerıler tútin arasynan páterge kirip, bólme edeninde esinen tanaıyn dep jatqan er adamdy baıqaıdy. Jedel qımyldaǵan áskerıler ony qaýipsiz jerge shyǵaryp, basqa turǵyndardyń da shyǵýyna járdem jasaıdy.

Órtten qutqarý qyzmeti men jedel medısınalyq járdem kelgenshe ulandyqtar turǵyndardyń qaýipsizdigi úshin qoldan kelgenin jasaǵan.