2018 jylǵy 28-29 maýsymda «Holiday Inn» halyqaralyq qonaq úıinde jáne «Qazaqstan» qonaq úıinde respýblıkalyq semınar-trenıng ótti, oǵan qatysqandar 14 oblystyń jáne respýblıkalyq manyzy bar qalalarynyń Din isteri jónindegi basqarma basshylary jáne solarǵa baǵynyshty vedimistik uıym basshylary, sonymen qatar Qazaqstan Respýblıkasyndaǵy ǵylym jáne bilim mekemelerindegi dinı saladaǵy jetekshi sarapshylar.

Bul is-shara «Social Development Center» qoǵamdyq qorynyń uıymdastyrýymen Almaty qalasy Din isteri jónindegi basqarmasynyń memlekettik áleýmettik tapsyrysy boıynsha ótkizildi.

Osyndaı aýqymdy din taqyrybyna arnalǵan semınarlar ótkizýdiń ózektiligi memleket saıasatyndaǵy dinı salany iske asyratyn memlekettik organ ókilderiniń biliktiligin arttyrýyn qamtamasyz etý bolyp tabylady. Óıtkeni, belgili bolǵandaı, Qazaqstanda sońǵy jyldary din máselelerine qatysty birqatar strategıalyq jáne tujyrymdamalyq qujattar qabyldanǵan. Sońdyqtan trenıńtiń maqsaty men mindeti memleket saıasatyndaǵy dinı saladaǵy ortalyq jáne jergilikti atqarýshy organ jumysshylaryn oqytý, jáne de dinı ekstremızmge qarsy is-qımyl boıynsha ózekti suraqtar aınalasynda tájirıbe almasý.

Aldyna qoıylǵan mindetterdi tıimdi iske asyrý maqsatynda semınar-trenınge qatysý úshin jetekshi mamandar men sarapshylar shaqyryldy. Prezıdıým músheleriniń arasynda Almaty qalasy ákiminiń orynbasary – A.O. Qyryqbaev, QR Qoǵamdyq damý vıse-mınıstri B.S. Aryn, Qazaqstan Respýblıkasy Prezıdenti Ákimshiligi sektorynyń meńgerýshisi Ǵ.N. Shoıkın,  Qazaqstan Respýblıkasy İshki ister mınıstrliginiń Ekstremızmge qarsy kúres basqarmasynyń bastyǵy – A.Ǵ. Arystanov jáne de  Almaty qalasy Din ister jónindegi basqarma basshysy A.R. Esenbekov sıaqty spıkerler boldy.

Almaty qalasy ákiminiń orynbasary A. Qyryqbaev.

Elimizde din salasyna jaýapty jáne dinı ekstremızmmen kúres baǵytynda qyzmet etip kele jatqan mekemelerdiń basshylary jáne jaýapty mamandarynyń tájirıbe almasý úshin Almaty qalasynda basqosýy mańyzdy oqıǵa dep bilemiz. Osyndaı sharanyń ótýi barsha qatysýshylar úshin paıdaly bolatyny anyq. Árbir oblystyń dinı jaǵdaıy ártúrli, ózindik erekshelikteri bar. Soǵan saı ekstremızmmen kúres jáne ońaltý boıynsha jınaqtalǵan tájirıbege ıe. Mine sol tájirıbeni orta salyp, ony jetildirý boıynsha usynystar aıtylsa semınarymyz nátıjeli bolary anyq.

QR Qoǵamdyq damý vıse-mınıstri B.S. Aryn:

«Búgin munda Qazaqstannyń barlyq óńirlerinen Din isteri jónindegi basqarma, sondaı-aq Din problemalaryn zertteý ortalyq basshylary jınaldy. Búgingi sharanyń maqsaty – birinshiden, bar máselelerdi talqylaý. Ekinshiden, ár oblysta óziniń menshikti tájirıbesi bar, óziniń ázirlengen ádisteri bar. Biz olardy zerttep, bólisip, basqa aımaqtarǵa úzdik ádistemelerdi engizý múmkindikterin zerttegimiz keledi»– dep atap ótti.

Osyndaı qorytyndyǵa Qazaqstan Respýblıkasy Prezıdenti Ákimshiliginiń sektor meńgerýshisi Ǵ.N. Shoıkın da keldi:

Tyǵyz jumys tek onlaın rejiminde bolmaýy kerek, bir-birinmen kórisýimiz, tájirıbe almasýymyz, bir-birine dinı saıasatta jańa tásilderdi úıretý úshin jıi kezdesýimiz qajet. Óıtkeni árbir óńirde jalpy tıimdi jumys úshin biriktire alatyn jaqsy tásilder bar.

 Semınar is-sharalary: birinshi kúni – pikirtalas pen trenıńter, ekinshi kúni – semınar qatysýshylarǵa sheberlik-klasstar men mádenı baǵdarlama formatynda uıymdastyryldy.

Jattyqtyrýshylar men oqytýshylar respýblıkalyq teologtar men saıasat qaıratkerleri, tájirıbeli spıkerler men ǵalymdar boldy, olardyń arasynda: fılosofıa ǵylymdarynyń doktory, profesor – A.G. Kosıchenko, Qazaqstan Respýblıkasy Ulttyq ǵylym akademıasynyń korespondent-múshesi, fılosofıa doktory – N.L. Seıtahmetova, PhD doktory, rasıonalısik teologıa salasyndaǵy maman – R.A. Chelıdze jáne «Ansar» konsýltatıvti-reabılıtasıalyq ortalyǵynyń dırektory – A.K. Sabdın.

Pavlodar qalasy Konfesıaaralyq qarym-qatynastardy taldaý jáne damytý ortalyǵynyń dırektory G.M. Razdykova aıtýynsha:

«Mundaı konstrýktıvtik semınarlardy ótkizý óte paıdaly, óıtkeni biz bárimiz óz ónirlerimizde  «basqalarmen baılanyspaı ómir súremiz», biraq búgin, munda jáne qazir kimniń ne isteıtinin kóremiz».

Respýblıkalyq semınardyń ekinshi kúni master-klastar men trenıńterge tolyqtaı arnaldy. Barlyq qatysýshylardy tirkep, ekinshi kúnniń baǵdarlamasymen tanystyrǵan soń, mıkrofon: «Bilim» oqý-mádenı ortalyǵynyń dırektory – R.S. Irjanov, «First Coach» kásibı spıkerlerdi daıyndaý ortalyǵynyń negizin qalaýshy – A. Qanatov, saıasattanýshy –                     A.Á. Sarym, «Eksklúzıv» jýrnalynyń sholýshysy, saıasattanýshy –                      R. Jumaly sıaqty sarapshylar qolyna ótti.

İs-sharanyń resmı jabylýy, semınardyń eki kúnin de qorytyndylaý men semınarǵa qatysýshylarǵa, Almaty qalasynyń Din ister jónindegi basqarma basshysy A.R. Esenbekov sertıfıkattardy saltanatty tapsyrý arqyly aıaqtaldy.

Baǵdarlamanyń sońǵy bóliminde barlyq kelýshiler úshin Almaty qalasyndaǵy tarıh murajaıyna, D.A. Qonaev murajaıyna, «Kók-tóbe saıabaǵy» oıyn-saýyq ortalyǵyna jáne bıik taýly «Medeý» muz aıdynyna ekskýrsıa boldy.