Keshe Astanada ótken úsh el Prezıdentteriniń EAEO aıasyndaǵy kezdesýi barysynda RF Prezıdenti Vladımer Pýtın Qazaqstan men Belorýsıaǵa eýrazıalyq odaq sheńberinde ortaq valútalyq odaq qurýdy usyndy. Aqordadaǵy úsh jaqty jıynnan soń jýrnalıserge suhbat bergen Prezıdentter atalmysh jıynnyń mańyzdylyǵy men jahandyq daǵdarys kezeńindegi EAEO-nyń jumysy, dúnıejúzindegi munaı baǵasynyń quldyraýy men Batys elderi tarapynan Reseıge salynǵan sanksıalardyń EAEO-ǵa yqpaly jaıly sóz etildi. Atalmysh jıynda Reseı Prezıdenti V.Pýtın EAEO aıasynda ortaq valútalyq odaq qurýdy usynsa, Belorýs Prezıdenti A.Lýkashenko odaq sheńberinde taýar aınalymyn ulǵaıtý úshin kedergilerdi joıý kerektigin aıtty. Al Qazaqstan Prezıdenti N.Nazarbaev óz kezeginde álemdegi bolyp jatqan sońǵy oqıǵalardy ataı kele, Qazaqstan Ýkraınanyń terıtorıalyq tutastyǵyn qoldaıtynyn eskertti. N.Á.Nazarbaev, QR Prezıdenti: - Qyrymnyń Reseı Federasıasy quramyna qosylýy men Ýkraınanyń shyǵysyndaǵy janjaldarǵa Reseıdiń aralasýyna narazylyq bildirgen Birqatar Batys elderi sanksıalar salýda. Sonymen qatar, qazir álemdik naryqtaǵy munaı baǵasynyń kúrt tómendeýi men jahandyq daǵdarys kele jatyr. EAEO elderinde óndiriletin taýar baǵasynyń arzandaýy men bizdiń elderde óndiriletin energıa resýrstarynyń, odaqqa múshe elder arasyndaǵy ózara taýar aınalymynyń kúrt tómendeýi bar. Mysaly, bıyl Reseı men Qazaqstan arasyndaǵy taýar aınalymy 20 paıyzǵa kemigen. Bular óz kezeginde Eýrazıalyq odaqqa múshe memleketterdiń ekonomıkasyna da áser etetini sózsiz. Biz mundaı qaýiptiń bolatynyn bildik. Bul EAEO-ǵa aýyr synaq boldy. Endi biz osy kezeńnen birlesip, ıyq tiresip jumys jasaǵanda ǵana shyǵa alamyz. Bıyl "Uly Otan soǵysynyń " 70 jyldyǵy kele jatyr. Bul bizdiń elder úshin aıtýly data bolmaq. Sondaı-aq, bıyl taǵy birneshe kezdesýler bolady dep josparlanýda. Osyǵan oraı Máskeýde úlken jıyn bolmaq. Biz sol jıynǵa qatysatyn bolamyz. Sonymen qatar, Qazaqstan TMD-da tóraǵalyq etedi. Biz kúzde TMD elderi basshylaryn osy Astanada kútemiz. Osy jıyndarda biz EAEO týraly sóz etemiz. Endi odaqqa Qyrǵyzstan qosylýy múmkin dep kútilýde.

V.V.Pýtın, RF Prezıdenti: - Biz osy jıyn barysynda EAEO-jumystaryn, aldaǵy ýaqytta josparlaryn talqyladyq. Sondaı-aq, Nursultan Ábishuly ekeýimiz jeke kezdesýler barysynda Qazaqstan - Reseı qarym-qatynastaryn, eki el arasyndaǵy ekonomıkalyq ıntegrasıalardyń mańyzdy máselelerin sóz ettik. Nursultan Ábishuly óz sózinde atap ótkendeı bıyl bizdiń elder úshin aıtýly merkeler men jańalyqtarǵa toly jyl bolmaq. Bıyl "fashızmdi jeńgenimizge" 70 jyl tolady. Bizdiń elderdi ekonomıkalyq, tehnıkalyq jáne ınovasıalyq ortaq jobalar tyǵyz baılanystyryp turady. Bizdiń úshtiktiń JİÓ kórsetkishi TMD elderiniń JİÓ-niń 85 paıyzyn quraıdy. Bizdiń elder arasyndaǵy taýar aınalymynyń byltyrǵy jylǵy kórsetkishi 60 mlrd. dollardy quraǵan. Osynyń bárin eskere kele, keleshtegi Eýrazıalyq odaq aıasynda ortaq valútalyq odaq qurý týraly sóz qozǵaıtyn ýaqyt jetti dep esepteımin. Ózderińizge málim, álemdik daǵdarystar men munaı baǵasynyń qulydaýyna baılanysty EAEO-nyń jumysy biraz turalap tur qazir. Osyndaı kezeńde ortaq valútany aınalymǵa engizý óte tıimdi bolmaq.

A.G.Lýkashenko, Belorýssıa Prezıdenti: - Búgingi kezdesýler barysynda biz óte mańyzdy sheshimderdi qabyldadyq. Ol EAEO-nyń jahandyq daǵdarys kezeńindegi ekonomıkalyq, resýrstyq, ıntegrasıalyq, ınovasıalyq turaqtylyǵy. EAEO elderi arasyndaǵy ózara taýar aınalymyn ulǵaıtý úshin birinshi kezekte ákimshilik kedergilerdi azaıtý kerek dep esepteımiz. Sondaı-aq, búgin Astanada qabyldanǵan sheshimderdiń júzege asqanyn, onyń qortyndysyn biz 8 mamyr kúni Máskeýde ótetin EAEO jıynynda talqylaıtyn bolamyz. Osylaısha, odaqtas memlekettiń basshysy Pýtın myrza Astanaǵa kelip, ortaq valútalyq odaq qurýdy usynyp ketti. Oǵan lám-mım degen Nazarbaev pen Lýkashenko joq. Al Astanaǵa kelip turyp, ortaq valútany qurýdy naqtylap eskertip kelken Pýtınniń málimdemesinen keıin kókeıimizge kóp suraqtyń oralatyny anyq. Ortaq valúta, ortaq shekara, ortaq áýe keńistigi, ortaq ásker, ortaq ekonomıka, ortaq zeınetaqy júıesi, ortaq parlament, ortaq oqýlyq, ortaq til... Táýelsiz ne qalar eken bizge?

Nurgeldi Ábdiǵanıuly