22 naýryz. Qamshy.kz - Túrkıa Premer-mınıstri Ahmet Davýtoglý Naýryz merekesi qarsańynda "túrikter men kúrdterdi"  tatýlyqqa shaqyrdy. Bul týraly "Qamshy" portaly habarlaıdy.

Ulystyń uly kúni Qazaqstannan ózge Iran, Aýǵanystan, Qyrǵyzstan, Qyrǵyzstan, Túrkimenstan, Ózbekstan, Ázerbaıjan, Úndistan men Túrkıa, Irak, Ablanıa men Makedonıa  jáne Reseıdiń biraz bóligindegi túrki halyqtaryna ortaq mereke.

Osyǵan oraı Túrkıanyń Premer-mınıstri Ahmet Davýtoglý baýyrlas túrikter men kúrdtterdi tatýlasýǵa shaqyrdy. " Túrikter men kúrdtter yqylym zamannan beri dini men dili, tamyry men tarıhy ortaq, baýyrlas halyq. Aradaǵy  keleńsizdikterge qaramastan aldaǵy ýaqytta ıyq tirestirip, jumylǵan judyryqtaı bolyp áreket etýimiz kerek. Kelińder baýyrlar, aradaǵy óshpendilikti umytaıyq. Qarýdy tastap, bizdiń bolashaǵymyz úshin tatýlasaıyq",-dedi Ahmet Davýtoglý.

Al Túrkıa túrmesinde ómir boıyna bas bostandyǵynan aıyrylý jazasyna kesilgen Túrkıadaǵy Kúrd partıasynyń jetekshisi Abdýlla Odjalan bolsa, eldegi barlyq kúrd  býyrlaryn Naýryz merekesi qarsańynda tatýlyqqa shaqyrǵan Ahmet Davýtoglýnyń sózin qostady. Ol eldegi kúrd problemalaryn qarýsyz, beıbit jolmen sheshýge shaqyrdy.

2012 jyldyń qazanynan beri qaraı Túrkıa Respýblıkasy 35 jylǵa sozylǵan, 40 myńnan astam adamnyń ómirin jalmaǵan  túrik-kúrd janjalyn beıbit jolmen retteý úshin Odjalanmen kelissózder júrgizip keledi. Tipti, osy maqsatta arnaıy "jol kartasy" da ázirlengen. Atalmysh kartada janjaldy sheshýdiń joldry kórsetilgen jáne qos tarapqa da mindettelgen jobalar bolǵan. Qazirgi tańda atalmysh mindetterdiń 50 paıyzy oryndalǵan. Alaıda eki jaqtyń ókilderi de atalmysh kelisimdi oryndamaı otyrǵandaryn aıtady.

 Nurgeldi Ábdiǵanıuly