Qala kúnin merekeleý aıasynda tamyzdan qyrkúıekke deıingi aralyqta 100 astam is-shara ótkizý josparlanyp otyr, sonyń ishinde 50-i mádenı-kópshilik is-shara. Ońtústik astanaǵa shyǵarmashylyq ujymdar men sýretshiler Fransıadan, Slovenıadan, Japonıadan, Italıadan, Germanıadan, Reseıden, Belarýstan keledi.
Respýblıka óńirlerinen jáne shetel memleketterinen kelgen qonaqtarǵa, sonymen qatar qala turǵyndaryna klasıkalyq, ulttyq jáne zamanaýı mýzykany oryndaıtyn artıserdiń baǵdarlamalary, taǵam men monýmentaldy-sáýlet óneriniń festıváldary, kórmeler, perfomanstar, teatrlandyrylǵan kórinister, satırıkalyq shoýlar t.b. daıyndaldy.
Sonymen qatar baǵdarlama aıasynda «Kók-Tóbe opera - 2018» klasıkalyq mýzyka festıvali, «ARTBAT fest» zamanaýı ónerdiń halyqaralyq festıvali, «Orkestrler sherýi» ashyq aspan astyndaǵy orkestr mýzykasynyń festıvali, «KITAP FEST» kitap festıvali, «Family Festival» otbasy kúni, «Almaty garden show» baý-baqsha halyqaralyq festıvali, «GAKKU daýysy» qazaqstandyq mýzyka festıvali, «ALMA Fest» dástúrli qalalyq alma festıvali, Muzzone Dance Party, «Mural» monýmentaldy-dekoratıvtik ónerdiń halyqaralyq festıvali, moto frıstaıl «Red bull FMX JAMS», «Almaty Film Festival», «Junior Eurovision» jobasy, Alataý aýdanynyń 10-jyldyǵyn merekeleý, «Almaty Fest Big City Picnic», kilem buıymdarynyń jármeńke-kórmesi, «Kamerata Kazahstana» Memlekettik orkestriniń konserti t.b.is-sharalar josparlanyp otyr.
Aı boıy kúndelikti qalanyń bes negizgi alańynda túrli baǵdarlamalar ótip turady: «Astana» alańynda, «Abaı» alańynda jáne Almaty Arena alańynda, QR Tuńǵysh Prezıdenti parkinde, Panfılov pen Jibek joly kóshelerinde.
Zamanaýı mýzykany unatýshylar úshin tanymal dı-djeılerdiń, hıp-hop pen ROR-ındýstrıanyń, elektrondy mýzyka ókilderiniń qatysýymen halyqaralyq mýzykalyq júldeler men festıváldar, sonymen qatar otandyq estrada juldyzdarynyń qatysýymen kóptegen is-sharalar uıymdastyrylady.
Klasıkalyq jáne halyq mýzykasyna tabynýshylarǵa arnaıy Almatyda Qazaq Memlekettik akademıalyq Abaı atyndaǵy Opera jáne balet teatrynyń sımfonıalyq orkestriniń óneri usynylady, tabynýshylar
ıtalándyq tenor Vınchenso Konstansanyń daýysyn tyńdaı alady. Qazaq Memlekettik akademıalyq Qurmanǵazy at. halyq aspaptar orkestriniń, akademıalyq N.Tlendıev at. «Otyrar sazy» fólklorlyq-etnografıalyq orkestriniń, «Sazgen sazy» akademıalyq fólklorlyq-etnografıalyq orkestriniń, Almaty qalasy ákiminiń estradalyq-sımfonıalyq orkestriniń, QR Memlekettik úrmeli aspaptar orkestriniń t.b. oryndaýynda túrli týyndylardy tyńdap, tamashalaı alady. Al ázil-syqaqty unatýshylar «Odnajdy v Rossıı» satırıkalyq shoýynyń ártisteriniń ónerin kórip, rahattanady. İs-sharalardyń tolyq tizimi Almaty qalasy ákiminiń saıtynda jarıalanady.
