Eýropada teńizde sýǵa batyp ketken qazaqstandyq Tanat Smaǵulovtyń týystarynyń aıtýynsha, 14 adam sýǵa batyp ketken. Qazaqstandyq jigit olady qutqarmaq bolyp, eki eresek pen bir balany aman alyp qalǵan. Biraq tórtinshi adamdy qutqarmaq bolǵan kezde qazaqstandyq jigit ózi sýǵa batyp ketken, - dep habarlaıdy Tengrinews.kz.

"Ol óte aqkóńil, meıirimdi adam edi, kez kelgen adamǵa kómektesýge daıyn turatyn. Únemi barlyǵyna kómektesip júretin. Chernogorıaǵa ol dostarymen ketken bolatyn - tórt adam. Dostarynyń aıtýynsha, sol kúni 16 tamyzda týrıserge boran bolatyny jaıly eskertilgen", -  deıdi mert bolǵan qazaqstandyqtyń týǵan baýyry Qazybek Smaǵulov.

Qazbektiń aıtýynsha, baýyry kishkentaı kezinen bastap sportpen aınalysqan, salaýatty ómir saltyn ustanǵan. Jaqsy júze alǵan.

 "14 adam sýǵa batyp ketken. Bizge solaı aıtty. Olar eskertýlerge mán bermeı, sýǵa kirip ketken. Tanat bolsa barlyǵyn qutqarý úshin sekirgen. Onyń eki eresek adam men úshinshi balany qutqaryp qalǵanyn bilemiz", - deıdi Qazybek.

Onyń aıtýynsha, Tanattyń denesi 21 tamyzda tańǵy ýaqytta jiberiledi. Keıinirek jaqyndary deneni týǵan aýyly Amangeldige jetkizedi eken. Onymen birge Chernogorıaǵa ketken dostary Qazaqstanǵa keldi. Qazirgi ýaqytta olar qaıtys bolǵan jigittiń týystaryna qoldaý kórsetý úshin aýylǵa ketti.

Eske sala keteıik, osyǵan deıin Chernogorıada qazaqstandyqtyń sýǵa batyp bara jatqan eki áıeldi qutqaramyn dep mert bolǵany jaıly habarlanǵan bolatyn. Qaıǵyly jaǵdaı 16 tamyzda bolǵan.