Atyraý oblysy İİD basshysy Aıan Dúısembaevtyń basy daýǵa qalýy múmkin dep jazady Qamshy.kz aqparat agenttigi. Atyraý oblysy İİD basshysynyń 1 200 000 dollarynan 3 saǵatta aıyrylǵan vıdeosy áleýmettik jelide qyzý talqyǵa tústi. Bul vıdeo 2014 jyly túsirilgen. Alaıda kazınodaǵy Aıan Dúısembaev ekeni týraly naqty aqparat joq. 2014 jyly Aıan Dúısembaev Atyraý oblystyq İİD basshysynyń birinshi orynbasary qyzmetin atqarǵan. Bul týraly vıdeony Baqytjan Kópbaev pen tanymal zańger Aıgúl Orynbek feısbýk jelisine jarıalady. Olardyń aıtýynsha bul jaıt Mınsk qalasynda bolǵan.

Bul jaıt boıynsha Qamshy.kz aqparat agenttiginiń tilshisi Atyraý oblystyq İİD saıtynda kórsetilgen baılanys telefondaryna habarlasty. Alaıda birden jaýap ala almadyq. Atyraý oblysy İİD bastyǵynyń birinshi orynbasary Qamza Baqtyǵalıulynyń hatshysynan Aıan Dúısembaevtyń eńbek demalysynda ekenin bildik. Keıin Atyraý oblysy İİD-niń baspasóz hatshysynyń kómekshisi Baqytgúl Sámekova baspasóz hatshysynyń eńbek demalysyna ketkendigin alǵa tartyp, bul týraly eshqandaı aqparat bere almaıtynyn aıtty. 

Atyraý oblysy İİD qyzmetkerleriniń barlyǵy birdeı eńbek demalysyna ketken syńaıly. Sebebi resmı saıtta kórsetilgen barlyq telefon nómirlerdiń biri sóndirýli bolsa, endi biri qońyraýǵa jaýap bermeıdi. 

Al QR İİM baspasóz hatshysy bul vıdeony kórmegendigin, sol sebepti eshqandaı pikir bildire almaıtynyn aıtty. Qamshy.kz aqparat agenttigi QR İİM resmı hat joldady, bul oqıǵany nazarda ustaıdy.