Elbasy óziniń «Bolashaqqa baǵdar: rýhanı jańǵyrý» atty baǵdarlamalyq maqalasynda latyn álipbıine kóshý zaman talaby ekendigin basa aıtqan bolatyn. Latyn álipbıiniń tıimdiligin halyqqa jete túsindirý maqsatynda Qonystaný aýyldyq kitaphanasy da túrli is-sharalar uıymdastyryp keledi. Kitaphanada taqyrypty qamtıtyn kórme jasaqtalyp, oqyrmandarǵa tanystyryldy.

Sonymen qatar, kitaphanashylar aýyldaǵy úı-úıdi aralap, latyn álipbıine kóshýdiń mańyzdylyǵy týraly túsinik jumystaryn júrgizýde. Jalpy alǵanda latyn álipbıine kóshý – halqymyzdyń tarıhyndaǵy eń mańyzdy betburys ekeni anyq. HH ǵasyrda qazaq tili latyn álipbıiniń negizinde jasalǵan jazý úlgisin qoldandy. Endi, mine, búgin danalarymyz qaldyrǵan jádigerlerdi jańasha oqyp, ózimizge qaıtarýǵa zor múmkindik týǵaly tur. Osynaý memlekettik mańyzy bar iske úlken jaýapkershilikpen qarasaq, shet tilin biletin mamandarǵa, stýdentterge, oqýshylarǵa, balabaqsha búldirshinderine úırený kóp qıyndyq týǵyzbaıdy dep oılaımyn.

Anar JÚSİP,

Qonystaný aýyldyq kitaphanasynyń kitaphanashysy