Almaty ákimi Baýyrjan Baıbek kúndelikti jumys barysynda Túrksib aýdanynyń komýnaldyq-sharýashylyq ınfroqurylymyn qalpyna keltirý qarqynyn tekserdi. Eger ótken jyly munda 80 aýla jańartylsa, bıylǵy jyly 130 aýladan asyp otyr. Osylaısha, tek eki jylda qalanyń kóne aýdanynda barlyq aýlalardyń jartysy jańartyldy.

Baýyrjan Baıbek B.Maılın kóshesi men Súıinbaı dańǵylynyń turǵyndarymen kezdesý barysynda qala ınfroqurylymdy modernızasıalaý aıasynda 524 kóshe men 800 kılometr ınjenerlik júıeler jóndeýden ótkenin aıtty. Jyl aıaǵyna deıin 80% deıin jańa avtobýstar sany kóbeıetin bolady.

«Almaty – bul qala ortalyǵy ǵana emes. Qalanyń barlyq aýdandarynyń jaıly jáne qaýipsiz ortaǵa qurylýy - biz úshin absolúttik basymdylyq. Qaladaǵy barlyq jerasty ótkelderiniń kúrdeli jóndeý jumystary aıaqtalyp, beınekameralar qoıylýda. Úsh jyl ishinde 700 myń adam tartylyp, 1400 aýla kóriktendirildi. Sońǵy birneshe jylda biz Almatynyń barlyq aýlalaryn jóndeýden ótkizemiz», - dep atap kórsetti qala ákimi.

Jańartylǵan aýlalarda balalardyń sportpen aınalysýy úshin qolaıly jaǵdaı týǵyzý maqsatynda jańa balalar jáne sport alańdary, trenarjer men oıyn jıyntyqtary qoıyldy. Jasyl jelek alańqaılary kóbeıtildi, jańa oryndyqtar men qoqys jáshikteri paıda boldy, asfáltti jáne rezına jabyndylar ornatyldy. «Qaýipsiz qala» aıasynda jaryqtandyrý tirekteri jańartyldy. Olar pılottyq rejımde kún sáýlesimen jumys isteıdi.

Jyl aıaǵyna deıin turǵyn úı jáne komýnaldyq-sharýashylyqty modernızasıalaý boıynsha taǵy da 174 úıdiń qasbetteri, shatyrlary men podezderi jóndeýden ótetin bolady, 226 lıft aýystyrylady.

Qalanyń tarıhı ortalyǵynyń qaıta qurylýy jalǵasady. Eger ótken jyly Panfılov, Jibek joly, Gogol, Qabanbaı batyr, Tólebaev, Báıseıtova kósheleri men «Astana» alańy jańartylsa, bıylǵy jyly Abaı, Abylaı han, Dostyq, Nazarbaev, Jeltoqsan dańǵyldary, «Almaty-2» vokzal mańynyń aýmaǵy jáne Respýblıka Saraıynyń aldynaǵy alańdy jóndeý qamtylyp otyr.