Astana ákimdigin tolassyz jaýǵan jaýyn eseńgiretti me belgisiz, sý basqan qalada qaıyqpen júzgen qala turǵyndaryn jazalady dep jazady Qamshy.kz aqparat agenttigi. Eske salsaq, osydan birneshe kún buryn tolassyz jaýǵan jaýynnyń kesirinen elordalyqtar tizeden sý keship júrýge májbúr boldy. Tipti kóshede úrlemeli qaıyqpen qalanyń qaq ortasynda júzip júrgender de qyzý talqylandy.

Al bıliktegiler ádettegideı bir-birin kinálap álek boldy. Parlament spıkeri Qasym Jomart Toqaev pen Premer-mınıstr Baqytjan Saǵyntaev ákimdikke kiná artyp jatty. Óz kezeginde Astana ákimdigi turǵyndardan keshirim surap, jańbyr kanalızasıasy problemasyn 2019 jyly sheshýge ýáde berdi. 

Qala turǵyndarynan keshirim surap qana qutylǵan ákimdik qala ortasynda úrlemeli qaıyqpen júrgen eki azamatty jazalady. Jergilikti polısıa qyzmetkerleriniń aıtýy boıynsha, eki azamattyń bul áreketi usaq buzyqshylyqtyń qataryna kiredi-mys. Astana qalasynyń mamandandyrylǵan aýdanaralyq soty "qaıyqshylardyń" árqaısysyna 5 AEK kóleminde (12 025 teńge) aıyppul saldy. Keıin ákimdiktegiler avtobýs júrgizýshilerin jazalady.

 

Kak je skýchno Ia jıvý ? #astana #astana

Pýblıkasıa ot NedvıjımostASTANA ?? (@zhivem_v_astane) 20 Avg 2018 v 8:07 PDT

Qalanyń qaq ortasyn sý basyp jatqan kezde tizeden sý keshkisi kelmeı, úrlemeli qaıyqpen júrgen azamattardyń áreketi qylmys, buzaqylyq bolsa ákimdiktiń salǵyrttyǵyn qalaı baǵalasaq bolady? Salystyrmaly túrde qaraıtyn bolsaq bul jaǵdaıda ákimdiktegilerdiń barlyǵy birneshe jylǵa bas bostandyǵynan aıyrylý kerek emes pe?! Álde barlyǵyna kináli qala ortasynda qaıyqpen júzgen eki er azamat pen avtobýs júrgizýshileri bolǵany ma?  Ne sebepti qala turǵyndaryna jaza qoldaný kerek al ákimdiktegiler keshirim surap qana qutylady? Astananyń týǵan kúnine 19 mlrd teńgeni jumsaǵan bılik bas qalanyń kanalızasıa problemasyn sheshýge aqshasyn aıap qaldy? Suraqtar kóp, jaýap ádettegideı joq.