25 tamyzda qaterli isikten kóz jumǵan AQSH senatory Djon Makkeın amerıkalyqtar úshin qoshtasý hatyn jazyp qaldyrypty.

«Patrıotızm uǵymyn álemniń ár buryshynda zorlyq pen qatygezdik, renishke ákep soǵatyn básekelestik uǵymymen shatastyryp alsaq, ulylyǵymyzdyń quny kók tıyn. Arman-maqsattarymyzdan kúdiktenip, olardyń oryndalýyna ózimiz kedergi jasap, básekelestik degen túsinikten arylmaıynsha patrıottyǵymyz osaldaı bermek», - delingen hatynda.

Sonymen qatar, Makkeın ásker men saıasattyń arqasynda elge birneshe jyldar boıy qyzmet etý baqyty buıyrǵany úshin amerıkalyqtarǵa zor alǵysyn bildirdi. Ol amerıkalyqtardy memlekettiń basyna tóngen qıyndyqtar úshin moıymaýǵa ári AQSH-tyń bolashaǵyna senýge shaqyrdy.

«Men elime abyroımen qyzmet etýge tyrystym. Iá, qatelikter boldy, biraq Amerıkaǵa degen mahabbatym ol qatelikterdiń ushyn da kórsetpeıdi dep úmittenemin», - dep jazdy saıasatker óziniń hatynda.

Senatordyń sózinshe, AQSH talaı adamdy kedeıshilikten, zorlyq zombylyqtan qutqardy, erkin etti, azat etti. «Amerıkalyqtar eshqashan ketpeıdi. Biz berilmeımiz, tarıhtan qashpaımyz. Biz tarıhty jasaımyz, ony bıleımiz. Qosh bolyńdar, amerıkalyqtar, senderge, Amerıkaǵa qudaı jar bolsyn», - dep jazyp ketipti Makkeın.

Eske sala keteıik, AQSH senatory Arızona Djon Makkeın 81 jasqa kelgende baqılyq boldy. Sońǵy jyldary saıasatker qaterli isik dertine shaldyǵyp, em alyp júrgen edi. Alaıda asqynǵan dertten aıyqpasyn bilgen Makkeın hımıalyq emdeýden bas tartyp, ajalyn ózi qarsy aldy.